LUKAS 24:27 - ALLAH NIHYET MEM TUNGWATU NYA

²⁷ Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

LUKAS 24:27 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

MAZMUR 132:11

Apreu ei mem noni tug hon neheng tu. Ba, angkwei leu nipreu eisi dima bu au. Nipreu eisi dima pai “Midikon apmot gom nok nibou ndig ba, noni miya luei ahoti ba, ninyeng mitak kep mben Israel.

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 50:6

Dikes dinghim bak yo di ibui da bidikiek dingyoi bak yo di itiba duhui nta. Dikiek doho ter leu yo di inim kep da di itrai sut da bi.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 8:17

tuhan ku No binding leu Nide limwa di intun Yakub him nya igyai him noro diba dingon com Noni bidiyok dingon mem Noni.

YESAYA 9:1

Tungwatu nya po imbut mem nidinditi pima ingat nipigati di piga bibor bu tu. Ninjeng gom piga digai yo di ibong dideu minu nimai nya ide bu.

YEHEZKIEL 34:23

Midita nibou ndig gom di noyam kin Ditde awak di Daud ba, noni ne ide gembala gom ngat di hek tut yok ba, joi bibor ri.

YEHEZKIEL 37:25

Yoni kin ide nintun him di bram yam nya mibong ser itimieisi di diyai bak Ditde awak di Yakub kin idigup bat-idigai bat nya di ibong ser nipou su bijo ninno bijo kikau. Nibou ndig di noyam kin Ditde awak di Daud ninyeng mitak kep yok kikau.

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

MIKHA 5:6

Mben Israel niken-ken di icut bak siceu nya ba, isima ei ingkiaisi bi nya minok nggou di hem jui di kwei leu tuhan mem mben nya imang bibor lene dem kep biget di but di biprok njita kioi ei beisi. Yo dima iba ingon com Allah bitut ningon kanti mem yok lo, iba ingon com tungwatu nya bi.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MBEN ISRAEL IMBUT-MBUT NYEN 21:14

Gima rino tungwagom pas ei Srat Pran tuhan Deti nok gini “Minu mien Waheb ei hanjop Sufa kin mbang briep nya. Minyei Arnon,

MARKUS 4:34

Yesus ba nihyet nibiti nindati bingginau tungwatu nya bikwop ug. Noro Noni mbot kep tut nihyet nibiti nindati dima hagom tirigi Noni kin yo di igya kui Noni induk yam bigwam biyongkom.

LUKAS 24:25

Lene Yesus pai biyok “Jingon mbum yo! Jingon tindak cem lewo jingon jo kep mun di tibim ei nabi nya yuhui him bi!

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 12:41

Yesaya pai nok lewo noni ngat Yesus nikei-kau-keisi bou niyai him ba, pui mun tut Noni cem.

YOHANES 5:37

Dicig di cuk Da kwei cem tri tut Da. Noro jimiap Noni nihyet bijingat Noni bou jiyai him cem bi sren.

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 3:18

Allah mbot kep nihyet tug hon nabi nya yahagom yuhui him mimbrek ngan tu bipai ‘Nibou Ndig di teu tungwatu biyai niyaijo nijep biyok di dipreu ei mem yok miyai ninghuisi wei.’ Nok rino Allah bindei ba, mun dini yok hagom cut igkep Yesus tu.

KISAH 3:22

Musa pai ‘Tuhan di nok jide Allah midimig nabi gom leu jide adig-ajoi nya ikieti bipinak Noni ndam je bit leu nok Noni pinak da dini. Suar jingon bit mun di tibim ei nabi dima nuhui him a.

KISAH 3:24

Nabi nya di itri tut mun di tibim ei Allah nuhui him bitut Nabi Samuel kin nabi nindigsi nya di igya abia kep noni cem yahagom itri tut mun di pek kep mem nijam dini.

KISAH 7:37

Musa dini cem ripo pai bak mben Israel ‘Allah midimig nabi gom leu jide adig-ajoi nya ikieti bipinak noni ndam je bit leu nok Noni pinak dani.’

KISAH 8:35

Gima rino Filipus ba srat bokti dima nok nitriti bibuhup no dima nihyet bitri tut Nihyet Di Kei tut Yesus binoni.

NINDAT KEP TUHAN NICUKTI NYA 1:45

Leu api jingkwei hanyen ba, jahara tuhan kwei mpu je noro Noni miap kep jihyet bi noro ba ningha bak jeni.”

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.