LUKAS 23:43 - ALLAH NIHYET MEM TUNGWATU NYA

⁴³ Yesus pai binoni “Dipreu ei mem na bipia ei njap di ammani angat rin bit Da ei nibreisi ei ginyo kug ug ri.”

LUKAS 23:43 ပူးပေါင်းရင်းမြစ်များ

MAZMUR 32:5

Leu api dipai jit ditde sisar brei biNa bidiku ditde mun di diyai tunggwei nya nyahan bu bi. Dikan “Singkwei ba, sipai jit side sisar bak tuhan. Apino akos ser ditde sisar hagom bidingon mui bu bi.”

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

LUKAS 19:10

Munggwom Tungwatu Nipmot ttau kwei leu binhyepo nggok yo di israwir nya biteu yok leu sisar biyai niyaijo nijep biyok.”

LUKAS 23:42

Lene noni pai “Yesus e, ayok ngon kep da tirigi akwei hanyen nok Nibou Ndig!”

YOHANES 14:3

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

KORINTUS GI NICAN 5:8

Gima rino ingon nddong. Igyok ingon mem nituti tirigi ikes ingut dini ei leu binhyepo yuug bong bit Tuhan.

FILIPI 1:23

Lewo dingon kanti can brim da. Dimpig bou sut gima dikes diyaisi ei ba, duug gwam bit Yesus lewo gini kei bibor mem da.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”