LUKAS 23:10 - ALLAH NIHYET MEM TUNGWATU NYA

¹⁰ Imam nindig nya kin guru Puig Yahudi nicukti nya cem yo rinaha bigya ei Herodes noho bei lene iba ingon ko-ko wai bipai kep Yesus.

LUKAS 23:10 ပူးပေါင်းရင်းမြစ်များ

MATIUS 27:12

Noro tirigi imam nindig nya kin nibou mben Yahudi nya ikkin kep Yesus ninghapti tut mun nyeng mang bibor lene Yesus birop ighyet bi.

LUKAS 11:53

Tirigi Yesus kes mpia dima leu lene guru Puig Yahudi nicukti nya kin Farisi nya sindi iba ighyet yai Noni bihig ser Noni tut mun nyeng mang bibor ba,

LUKAS 23:11

Herodes kin nide tentara nya iba Yesus bikek ba, iba ighyet bicig Noni cem. Ijuk sinsun ndok di jei di nibok kak ei Noniti leu api Herodes pinak Noni bingkwei hanyen ug ei Pilatus noho bei.

LUKAS 23:2

Ikkin kep Yesus ninghapti ei sirima bipai “Nittau kep No dini tirigi Noni kes ningon bak ade limwa nya. Noni pai ser tungwatu nya bipia ma igo belasten bak Kaisar au noro jem Nonti ninyeng bipia Nibou Ndig di teu tungwatu nya biyai niyaijo nijep biyok.”

LUKAS 23:5

Noro yo dima ibrim ingkek kep bibidip huk Pilatus bipai bak “Noni kes ningon bak tungwatu nya bibindei ba, yaham imbuk kep nibou ndig ei hanjop Yudea nisurti-nipekti. Noni kinyon eisi ei hanjop Galilea kikau bikieng kep hanjop dini cem tu.”

LUKAS 23:9

Noni hig ser Yesus tut mun nyeng mang bibor noro Yesus buhup bi.

KISAH 24:5

Jo nibreisi mem nye bipia no dini ne no di mbuk di nggek tut nibong kei nigwam keisi ri. Noni rino bindei di mben Yahudi ighyet srou kui yam bidem dihyeisi dini hagom. Ba, noni ne nibou gom mem nimpung Nazaret ri.