LUKAS 22:37 - ALLAH NIHYET MEM TUNGWATU NYA

³⁷ Ma jingon jo kep bipia Allah Nihyet di pai ‘Ikwop Noni kin yo di ipigau hanjop nya’ midem igbit tug hon Da. Lewo ayat di ipas ei Allah Nihyetti di ndo igbit tut Da micut igkep Da mem nijam dini.”

LUKAS 22:37 ပူးပေါင်းရင်းမြစ်များ

YESAYA 53:12

Noni kes niyaisi bihigom ei bitug ndei hukum ba, ninyeng tibim kin yo di imbuk bibor nya inyeng. Noni biang yo di imang bibor ide sisar bingat nadi leu binhyepo igyai nikos ser sisarti. Gima rino midinjei nide limwa nya imang bibor mikuisi bak noni ba, noni miyai hanjop nsi bit yo di inyeng jei nya.”

MARKUS 15:27

Ipek yo di isibut nya ibou can kin bu ei ide biei salibti bitas hi ei nite bei Yesus ninda com lene hi ei nite bei ninda prak. [

MARKUS 15:28

Tug hon nisinati dima lene Allah nihyet nipaisi dini pek kep mem Noni. “Ikwop Noni kin yo di ipigau hanjop nya.”]

LUKAS 18:31

Yesus buwak ibou simnaibrimigcan dima ter bipai biyok “Jimiap e, nogindini ikui ug ei Yerusalem leu api mun di nabi nya ipas kep tut Munggwom Tungwatu Nipmot micut igkep Noni.

LUKAS 22:22

Munggwom Tungwatu Nipmot miyai nimai bit leu Allah nikos tutti mem Noni. Noro aye! Buhun bibor mem no di tri Noni!”

LUKAS 22:36

Yesus pai biyok “Noro tini bu ne no di nyeng tut nide bangdop kin minai hi tu ne suar noni ttei. Gino simeda hi jo binoni bi ne suar tri nide sinsun ndok di jei ba, bipek mitiei leu binhyepo ug bipek simeda.

LUKAS 22:52

Leu api Yesus hig ser nibou imam nindig nya kin yo di igya ser Tuhan De Ig ide nibou nya kin nibou mben Yahudi nya di ikwei kat Noni “Jiba simeda kin biap tindak bikwei kat Da bit leu nok jibikat no di sibut e?

LUKAS 23:32

Tentara nya ibuwak yo di isibut nya ibou can cem leu binhyepo itug ndei nimai bit Yesus.

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

YOHANES 10:35

Ikan tut bipia nibokti di ipas ei Allah Nihyetti ne nijit di ug hon nohonti bi sren ri. Allah pai sut yo di ibit Nonti nihyet bipia yoni ne awak di Noni pai tes nya ri.

YOHANES 17:4

Dindo Ade ninyeng jei biborti bak tungwatu dihyeisi dini tug hon midyai nya di akes biDa ba, hagom put tu.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”