LUKAS 22:35 - ALLAH NIHYET MEM TUNGWATU NYA

³⁵ Niabiati bu ne Yesus hig ser yok “Tirigi po dicuk je ba, jintek gimahap tut Nihyet Di Kei pima ne dipai ser je bipia ma jittei bangdop kin minai kin srop au. Mpe dima lene jisuar mun nyeng hi e?” Lene ibuhup “Nisuar mun nyeng hi bi.”

LUKAS 22:35 ပူးပေါင်းရင်းမြစ်များ

NITRITI 48:15

Lene noni ngat nadi tindei Yusuf bipai, “Nna ba Na di Allah di dicig kin dignyon ikuk yok bak e, Na di anyohou da habiei kwei bipek ammani kep tu e,

NIBOU NDIG NYA GI NIGOM 11:22

Lene nibou ndig buhup “Leu nggon i? Apo ayemti kin asuarti nya dem mem na ei minu dini bi apino ajoi sut angkwei hanyen ug ei atimieisi hanyen e?” Hadad buhup bak “Diyemti kin disuarti nya ne dem mem da noro ma asindui sut da biduug.” Lene Hadad ngkwei hanyen ug ei nitimieisi.

MAZMUR 23:1

Doia Daud. tuhan ne ditde gembala ninyohou kep mun cig ri. Disuar mun nyeng hi kin bu bi.

MAZMUR 37:3

Ma jiba jingon com tuhan cem jinda jo kep jide midyai di kei nya cem. Ma jibong ei minu dima ba, jiba jingon di gom biyai mun nyeng hagom.

LUKAS 10:4

Ma jibiang bangdop kin minai kin srop au. Ma jiya ei puig sinon mem jipigo tungwatu nya au.

LUKAS 22:34

Noro Yesus pai binoni “Petrus e, ma ayok ngon kep bipia himmun di ariman tirigino hacig yau bigyo ne aom ser Da mbiningai bipia akan tut Da bi.”

LUKAS 22:36

Yesus pai biyok “Noro tini bu ne no di nyeng tut nide bangdop kin minai hi tu ne suar noni ttei. Gino simeda hi jo binoni bi ne suar tri nide sinsun ndok di jei ba, bipek mitiei leu binhyepo ug bipek simeda.

LUKAS 9:3

Noni cuk yok bipai “Jiba nehei he bimbut. Ma jittei tom kin minai kin njita kin mitiei kin sinsun di jijuk nggre dip nggre jou au.

KORINTUS GI NICAN 8:15

Lewo Allah nihyet pai, “Yo di ikam njita nindig bibor ne nikenti jo bi ba, yo di ikam nimien ne ide dem mem yok. Gima rino yahagom ikam njita dem igbit nimangti di isuar.”

NINDAT KEP TUHAN NICUKTI NYA 8:16

Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.