LUKAS 22:32 - ALLAH NIHYET MEM TUNGWATU NYA

³² Noro Simon e, dingat nadi tindei na leu binhyepo ade niba ningon com Dati cut hacan bi. Tirigi angkwei hanyen ba, aya kui Da lene ma abiwin kep asut bat nya ingonti.”

LUKAS 22:32 ပူးပေါင်းရင်းမြစ်များ

MATIUS 18:3

Leu api pai biyok “Ma jiyok ngon kep bipia gino jiluei jingon kanti dem kep munggwom mien dini ningon kanti bi ne mijicoi bit Allah Ninyeng Tak Kepti bi sren.

MATIUS 26:75

Lene Petrus yok ngon kep Yesus nibuhupti “Ma ayok ngon kep bipia himmun di ariman tirigino hacig yau bigyo lene aom ser Da mbiningai bipia akan tut Da bi ug ri.” Leu api Petrus ug leu biyati bipim ba, niyai nggwei kibor drek dip ningon di ngguk biborti.

MARKUS 14:72

Hammi tirigi pai nok rino hacig yau nimbican ba, Petrus yok ngon kep Yesus nisok kepti pima di pai “Himmun di ariman tirigino hacig yau mbican bigyo lene aom ser Da mbiningai bipia akan tut Da bi ug ri.” Apino noni pim biniyai nggwei kibor.

MARKUS 16:7

Ma jibipbur bijingkwei hanyen lene ma jipai bak yo di igya kui Noni kin Petrus cem bipia Noni ug ei hanjop Galilea bibie mem je. Mijingat ningat ei mpia dima bit leu nok nipai bijeti.”

LUKAS 8:13

Njita ngan di cut ug ei tigsi bindo tut yo di intu kep nihyet lene iba ingon di kei bingon jo kep. Noro nihyet com nigau ei ingonti kan bi. Mbro nok gino ingon jo kep nihyet lo, Bilis kwei bingon yok lene yoni ingkwei hanyen hak ug.

YOHANES 14:19

Jei bi lene tungwatu dihyeisi dini ingat Da bou igyai him bu bi. Noro mijingat Da hanyen bu. Mijiyai niyaijo nijep tug hon Ditde niyaijoti.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

2 TIMOTIUS GI NICAN 2:18

Yo cin dini ikrau tunggwei puig di nijit binggek tut yo di ingon jo kep nya ibou poi ide niba ningon com Kristusti ba, itri tut bipia nikiju hanyen leu imai eisi njiriek leu su.

TITUS 1:1

Srat dini leu da di Paulus. Dinok awak mem Allah bidiyai dinyeng nok no di ya kui Yesus. Allah dimig da leu binhyepo dibiwin kep yo di Noni dimig ei su nya ide niba ningon com Kristusti. Dipingok ingonti leu binhyepo ingon dorti tut nihyet di nijit di bindei ba, igyai munti nya bit leu Allah ningon kanti mem yok.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.

PETRUS GI NIGOM 1:13

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

PETRUS GI NICAN 3:14

Gima rino disut bat di dingon kieti jen, tirigi sisip jibet jingon mem Njap dima nittausi lene ma jimbres jenti leu sisar kin mun di kinei di sigi ser jingonti nya hagom ei Allah niyai him leu binhyepo jingon kwes kin Noni.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.