LUKAS 22:31 - ALLAH NIHYET MEM TUNGWATU NYA

³¹ “Simon Simon e, amiap e? Allah sindui sut Bilis mem gima bingon jahagom bidimig gi kei bijo ter leu gi kinei. Gima bit leu nok miai ceu di cig gandum nisina billet leu ningat.

LUKAS 22:31 ပူးပေါင်းရင်းမြစ်များ

YESAYA 28:28

Mpe di noni bindei llet gandum ninjep leu nicap lene bui kikau binem-nnai e? E bi! Noni kan tut nisinati di dem mem gima bindei mbut kroba nimig bidor gandum nintam nidip leu binhyepo bindei ba, nicap tek leu ninjep he lene bindei gandum ninjep binem-nnai bi.

AMOS 9:9

Midicuk siceu nya leu api icig je di mben Israel noyam kin no di ba kawanggai bicig gandum ngan. Lene mem gima dibicut mun di bon ninyeng bi nya hagom bingwig leu jikieti lene midimpu je ei ngkiai nya inggreti.

ZAKHARIA 3:1

tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

MATIUS 26:30

Lene yo dima ipai doia nibinggei sut Allahti leu api imbut biyuug ei Nungug Zaitun.

MATIUS 4:10

Noro Yesus pai bu “Bilis e, aug leu Da hak ug. Lewo Allah Nihyet pai bipia ma jikuk je bak jide Allah ba, jibit Nongkom hak.”

LUKAS 10:41

Yesus buhup “Marta Marta e, angon ku na tut mun nyeng mang bibor,

KISAH 9:4

Noni tti hak ug ei dihyeisi lene miap nihyet gom di hig ser noni “Saulus e, Saulus e, nggon rino ahwen bit Da i?”

KORINTUS GI NIGOM 5:5

jikes no dima hanyen ei Bilis nindati leu binhyepo ningut sar. Tug hon nisinati dima ne ninnei ningwes ngun mem Tuhan De Njap nitausi.

KORINTUS GI NICAN 2:11

Diyai nok gima leu binhyepo bon nituti mem Bilis om kep nye bi. Lewo Bilis ningon kanti nya jo nibreisi mem nye.

PETRUS GI NIGOM 5:8

Ma jehek tut jenti ba, jiyai nggrop nggan lewo jide siceu di Bilis lus-lus nyen nok singa di niten-pos di yau binggok tungwatu tereu nok nide mun di yem.

NINGAT-HI-NGAT NYA 12:10

Leu api dimiap nihyet di nindig bibor ei gwamti di pai “Nogindini ne tto bou dem mem Allah teu Nide limwa nya ri! Nogindini ne Allah ndo Nide nisindemti rin lewo Noni ne Nibou Ndig ri! Nogindini Nide Nibou Ndig di teu tungwatu nya biyai niyaijo nijep biyok ninyeng tak kep dihyei nisurti-nipekti. Lewo Noni njei no di ya ei Allah Noho bei di pai isut bat yo di ingon jo kep nya kinei bikwop mmun-njap leu gwamti tu.