LUKAS 22:30 - ALLAH NIHYET MEM TUNGWATU NYA

³⁰ Jigwam kui Ditde meja bijiyem njita ba, jidut ndia ngei bit Da mpe dino diyai dinyeng Nibou Ndig. Mpe dima lene jigwam ei jide banggo ningat simnaibrimigcan dip leu binhyepo jinyeng tak kep mben Israel ide keret simnaibrimigcan.”

LUKAS 22:30 ပူးပေါင်းရင်းမြစ်များ

SAMUEL GI NICAN 19:28

Mbro nok gino dicig Saul nide bat nya yahagom idem mem gima na di Andigpoi ayai nimai biyok lo, asindui sut da ba, diyem njita bit na di Andigpoi ei ade meja dip. Dani dem mem gima dahara na di Andigpoi tut mun nyeng hi bu bi.”

MAZMUR 49:14

Gima ne mun di micut igkep yo di iba ingon com yonti kin yo di ingon ngakei ide mun di inyeng tut nya ri.

MATIUS 19:28

Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

MATIUS 8:11

Ma jiyok ngon kep gini! Tungwatu nya imang bibor mikwei leu mpia nipriti kin mpia nicutti leu api migyem njita bit Abraham Ishak Yakub nya ei Allah Ninyeng tak Kepti.

LUKAS 12:37

Gino iceu kwei hanyen bittau kep yok tirigi igyai ngkiem ba, itin ei cem tu lene yo dima ingon nggei-hi-nggei. Ma jiyok ngon kep bipia iceu mijuk nide sinsun ndok di jei leu no leu api sindui sut yok bigwam kui meja leu api mingei njita mem yok.

LUKAS 14:15

Tirigi tungwagom di yem njita bit yok miap Yesus nipaisi nok lene noni pai bak Yesus “No di bon pesta bit Allah tirigi Noni kwei hanyen nok Nibou Ndig ningon nggei-hi-nggei!”

2 TIMOTIUS GI NICAN 2:12

Gino iba ibou coi mem mun di buhun tak nye lene inok nibou mem ninyeng tak kepti bit Noni. Gino ibikep ser Noni lene Noni cem mibikep ser nyeni.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

NINGAT-HI-NGAT NYA 19:9

Lo bi lene malaikati dima cuk da “Ma apas kep srat nok gini ‘Yo dino Allah hig yok kwei mem ibon pesta bit Domba Pmot niwak nitnemti ne ingon nggei-hi-nggei.’ ” Lene binut nihyet gom kin bu bipai “Nihyet dini nijit-jau rin ba, tibim leu Allah nuhui him.”

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.

NINGAT-HI-NGAT NYA 4:4

Banggo mbrei hiter di nimangti ningat nyatungwagom ba, bitai krop ttai banggo mbrei gi nigom dima ba, nibou nya ibou nyatungwagom ba, bitai di ijuk sinsun di tiei kei bittin topi mas igwam dip.