LUKAS 22:26 - ALLAH NIHYET MEM TUNGWATU NYA

²⁶ Noro ma jiyai nok gima au. Suar no di ninyeng jei di srig jikieti om nonti binok no di bon ninyeng bi. Suar nibou om nonti binok awak.

LUKAS 22:26 ပူးပေါင်းရင်းမြစ်များ

MATIUS 20:26

Noro ma jinok yoni au. No di joi sut ninyeng di jei lene ma om nonti nok awak mem nindigsi nya.

MARKUS 10:43

Noro ma jinok yoni au. No di joi sut yai ninyeng di jei lene ma om nonti nok awak mem nindigsi nya.

MARKUS 9:35

Yesus gwam jug binduk ibou simnaibrimigcan di igya kui Noni bikwei gwam bit Noni lene pai biyok “Ma no di joi sut ya bibie mem tungwatu nya om nonti biya nohon keti binok awak mem nindigsi yahagom.”

LUKAS 9:48

Lene Noni pai bak yo di igya kui Noni “Bikwop no di ya um munggwom di nok gini drek dip Dani lene gima dem kep nok gi noni ya um Dani cem. Bikwop no di ya um Da lene gima dem kep nok gi noni ya um No di cuk Da kwei cem. No di srig jikieti di bon ninyeng bi rino ninyeng jei dor njiriek nindigsi nya.”

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

PETRUS GI NIGOM 5:3

Ma jibon jenti tereu nok nibou ndig nya ba, jinyeng tak kep domba di Allah kes bije au. Noro ma jindo jide niyai munti di kei bibor bak yoni nok bindo.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”