LUKAS 22:17 - ALLAH NIHYET MEM TUNGWATU NYA

¹⁷ Pai nok rino Yesus krau mok hi bipai sigyo kep bak Allah lene pai biyok “Jiyai gi mokti dini bijikwas tut yam.

LUKAS 22:17 ပူးပေါင်းရင်းမြစ်များ

MAZMUR 116:13

Midibon midut niyai ba anggur ngei bak tuhan ba, dibipai sigyo tut gi Noni teu da bidingwes ngun.

MAZMUR 23:5

Angei njita ba, abon pesta mem da bou ditde siceu nya yahagom igyai him. Aya um da ba, abibon da nok no di ninyeng jei ba, ahug ba anggur ningei di ui-gwang kei ug ei ditde mokti bipias hagau cem.

YEREMIA 16:7

Tungwa hi dima migwam ser yo di ingon ngguk pima ingon ba, ngei njita mem yok cem bi. Tungwa hi miningon ngguk bit yo di icig kin ipmem imai leu yok cem bi.

MATIUS 14:19

Lene Noni cuk tungwatu ningot ndig dima yok bigwam sinsiou ei abris nghousi leu api krau roti nindak muhwi kin wau can dima bitou kep ginyo kug lene pai sigyo kep bak Allah. Lene Noni ki roti kukiau biyai bak yo di igya kui Noni leu api ibitri tungwatu nya.

MATIUS 15:36

Lene Noni krau roti nindak muhwindacan kin wau pima bipai sigyo bak Allah kep leu api ki kukiau bak yo di igya kui Noni ba, ibitri tungwatu nya.

MATIUS 26:26

Tirigi igyem njita lene Yesus yai roti nindak gom bipai sigyo kep. Leu api ki bitri yo di igya kui Noni bipai biyok “Jiyai roti dini ba, jiyem ug lewo gini ne dinghui ri.”

MARKUS 14:22

Tirigi igyem njita lene Yesus yai roti nindak gom bipai sigyo bak Allah kep. Leu api ki bitri yo di igya kui Noni bipai biyok “Jiyai roti dini bijiyem ug lewo gini ne dinghui ri.”

LUKAS 22:19

Gima ne Yesus yai roti nindak gom bipai sigyo bak Allah kep lene ki bitri yok bipai “Jiyai roti dini bijiyem ug lewo gini ne dinghui di dikes ei mem je ri. Ma jiba midut dini biyok ngon kep Da.”

LUKAS 9:16

Lene Noni krau roti nindak muhwi kin wau can bitou kep ginyo kug bipai sigyo kep bak Allah. Leu api Noni ki roti kin wau biyai bak yo di igya kui Noni ba, ibitri tungwatu nya.

ROMA 14:6

No di kan bipia njap ngon bou bon ninyeng ne no dima ba niyaisi dima binggei sut Allah. Gi hi di yem njita ninyeng hagom ba niyaisi dima binggei sut Allah lewo noni pai sigyo biNoni tut njita. Gi hi di yem njita nitu di map kuisi bi ba mun di noni yem bi binggei sut Allah leu api pai sigyo biNoni.

KORINTUS GI NIGOM 10:16

Idut ei gi mokti di biei ngat ningei joti ba, ipai sigyo kep ne igyai munti dima ndo bipia ipriet kin Yesus ninggrom. Igyem roti di iki kukiau lene igyai munti dima ndo bipia inok gom kin Yesus ningut.

KORINTUS GI NIGOM 11:23

Lewo ningginau jeti dini kwei leu Tuhan Nonti. Himmun di no dima tri ide Tuhan Yesus ne Noni yai roti nindak gom,

NINDAT KEP TUHAN NICUKTI NYA 8:10

Mpe dima ne mijiyem njita di mindei je ninyeng hagom apino mijipai sigyo hanyen bak tuhan di nok jide Allah lewo Noni yai minu di nnum bibor dima bije tu.”

SAMUEL GI NIGOM 9:13

Timiei minu dini ibon pesta noro yoni migyem njita bigyo bibou Allah de awak dima kwei kes ninda ei mindhe dima dip bingat nadi kep nipou ug e. Ma jimbut sindem ba, jahatap noni nipou tirigi noni yem njita bigyo.”