LUKAS 21:19 - ALLAH NIHYET MEM TUNGWATU NYA

¹⁹ Gino jiya ngkiem bijibet jingon ne jingwes ngun.”

LUKAS 21:19 ပူးပေါင်းရင်းမြစ်များ

MAZMUR 37:7

Ma jiba jingon di jo nyahan bimem kep ser tuhan bijibet jingon mem nikwesti dima Noni yai nibou tut. Ma jingon mbut-mbut nyen tut yo di ibikum ei ide mun di inyeng tut nya kin yo di iris igkei nya au.

MAZMUR 40:1

Doia Daud mem no di bie tut doia nimpung.

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

MATIUS 24:13

Noro Allah miteu no di ya ngkiem kikau ug bipek ningwig honti.

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

ROMA 5:3

Lene gima he bi. Ingon llei bibor drek dip mun di bindei nyeni inghuisi wei lewo ikan tut bipia ninghuisi wei di cut igkep nye dima bindei ba, iba ibou coi mem mun nyeng hagom.

ROMA 5:4

Ide niba nibou coi mem mun nyeng hagomti biyai ingon nddong drek dip mun di bingon nye bibindei ba, igyok ingon mem ba,

ROMA 8:25

Noro gino igyok ingon mem mun di ingat bou igyai him bi ne ibet ingon mem hak ug.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

TESALONIKA GI NICAN 3:5

Handei kon ba, Tuhan bie tut je leu binhyepo jingon dorti tut Allah ningon ngakei jeti kin ningon nddongti di Kristus yai bije.

IBRANI 10:36

Suar jibet jingon kikau leu binhyepo jiyai Allah ningon kanti mem je apino mijiyai mun di Noni preu ei mem je.

IBRANI 6:11

Nijoi sut bipia bikwop jeni jahagom jibrim jingkek kikau ug bipek njap ningwig honti leu binhyepo mun di jiyok jingon mem nya hagom mipek kep mem je.

IBRANI 6:15

Abraham ba nibou coi bibet ningon. Gima rino noni yai mun di Allah preu ei mem noni.

YAKOBUS 1:3

lewo jikan tut bipia gino jiba jingon com Allah mem mpe dino mun di buhun cut igkep je lene ningon nddongti ntun him.

YAKOBUS 1:4

Ma jinyohou jide ningon nddongti kikau ba, ningat ntun him leu binhyepo jimahan ei Kristusti ba, mun di jisuar nya hagom midem mem je.

PETRUS GI NICAN 1:6

Ma jiba noom kep jingut kanti nya bindei mbut jide ningon di dorti tut Allah ningon kanti. Ma jiba jingon di nddong bindei mbut jide noom kep jingut kanti nya. Ma jiba jide niyai mun tug hon ningon di kwesti bindei mbut jide ningon nddongti.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.

NINGAT-HI-NGAT NYA 13:10

No di yai hukum nisima ei ig bui nsi misima hak. No di miyai nimai tug hon singau simeda miyai nimai tug hon singau simeda hak. Gima rino suar Allah de limwa nya ingon nddong ba, ingon gom cem.

NINGAT-HI-NGAT NYA 14:12

Gima rino ma Allah de limwa di ibit nicuk yokti nya di ingon gom tut Yesus cem ma ingon nddong.

NINGAT-HI-NGAT NYA 3:10

Midinyohou je leu nijam di buhun bibor di mikieng kep dihyeisi dini hagom lewo jibit dicuk jeti nya bijiba jibou coi mem ninghuisi wei di cut igkep je. Nijam di buhun bibor dima mibingon tungwatu dihyeisi dini yahagom.