LUKAS 21:16 - ALLAH NIHYET MEM TUNGWATU NYA

¹⁶ Mpe dima lene jicig bat-jipmem bat nya kin jikindig bat-jikinjoi bat nya kin jide bat nya kin jide yo di jinttig-tta nya yahagom mibakilak je apino jibihi mijiyai nimai.

LUKAS 21:16 ပူးပေါင်းရင်းမြစ်များ

YEREMIA 12:6

Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”

YEREMIA 9:4

Suar bikwop tungwatu nya ingon sok kep yonti tut isut bat nya. Gi mbun adig-ajoi ningat-ngat nya cem iba ingon com yam kan bi. Lewo idem kep Yakub ba, bikwop yahagom iris bak ide adig-ajoi nya. Bikwop tungwatu nya ibindei hi ninyeng kinei ba, iris mun cem.

MATIUS 10:21

Mpe dima lene yo di ikinjoi bat yam mitri yam leu api yo di ikrau nisindemti nya mijem nimai gau yok. Nok gima cem andig poi nya mitri imunggwom bat nya ba, munggwom nya mitri icig bat-ipmem bat nya leu api yo di ikrau nisindemti nya mijem nimai gau yok bu.

MARKUS 13:12

Mpe dima lene yo di ikinjoi bat yam mitri yam bigyai nimai biyam. Andigpoi nya mitri imunggwom bat nya lene imunggwom bat nya mitri icig bat ipmem bat nya leu api yo di ikrau nisindemti nya mijem nimai gau yok bu.

LUKAS 12:53

Andigpoi nya iba nitok bak ipmot bat nya lene pinai nya iba nitok bak icig bat nya. Sindig nya iba nitok bak ipmisop bat nya lene sop nya iba nitok bak ipmem bat nya. Sop dino ignyot bat yam cem iba nitok biyam.”

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

LUKAS 21:17

Ba, tungwatu nya yahagom mingon mpo tut je drek dip dinyeng.

KISAH 12:2

Noni kes nihyet bak tentara gom ba, tentara dima ba nide simeda biyai nimai bak Yakobus di Yohanes nikindig.

KISAH 7:59

Iba tig bihwen Stefanus ninno lene noni hara “Tuhan Yesus e, ayai dinnei leu hak ug.”

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.

NINGAT-HI-NGAT NYA 2:13

Dikan tut bipia mpia di jibongti dima ne mpia di Bilis gwam ei nide banggo mbrei dip ri. Mbro nok gino yo di isibut nya ihwen Antipas di ningon gom di tri tut Nihyet Di Kei ei jide minu di nok Bilis nibousi dima lo, jiba jingon com Da kikau. Jibikep ser Da drek dip bi lewo jingon gom tut Da.

NINGAT-HI-NGAT NYA 6:9

Domba Pmot cug biei nggrai gi nimuhwi leu lene dingat yo di ingon gom di igyai nimai drek dip gi itri tut Allah nihyet innei a. Ba, dingat ninnei nya di ibicom yam ei nimbar hum ndok nikiou.