LUKAS 20:36 - ALLAH NIHYET MEM TUNGWATU NYA

³⁶ Yo dima noyam kin malaikati nya. Bit bon imai bi sren. Yoni ne Allah nimunggwom bat nya rin lewo ikiju hanyen leu imai eisi tu.

LUKAS 20:36 ပူးပေါင်းရင်းမြစ်များ

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

HOSEA 13:14

Miditeu yo dini bingwes ngun leu gumihyep nimai nide nisindemti bi. We Nimai e, nna ba ade nsuwer ajar ham nye hak ug! We Nimai e, nna ba ade nisindemti bindei cut nye hak ug! Midingondut yo dini bu bi.

ZAKHARIA 3:7

“Gino abit Ditde niggai serti nya ba, abiyai kep midyai nya di dindo bina hagom ne anyeng mitak kep Ditde Ig ba, ayok ayai kep Ditde mpia di jo bas hak nya cem bijo kikau. Midingig ditingou mem ade nadi nya noyam kin gi dingig ditingou mem malaikati di ingat rin simiak da nya ide nadi.

MATIUS 22:30

Tirigi tto bou dem mem tungwatu nya ikiju hanyen leu imai eisi ne pinai nya kin sop nya iwak yam bu bi. Noro inok malaikati nya ei gwamti.

MARKUS 12:25

Tirigi tungwatu nya ikiju hanyen leu imai eisi lene pinai nya kin sop nya iwak yam bu bi. Noro yoni inok malaikati nya ei gwamti.

ROMA 8:16

Allah Ninnei bicim tindei nyeni innei bipai sut nyeni bipia nyeni ne Allah nimunggwom bat nya ri.

KORINTUS GI NIGOM 15:26

Kristus de siceu di Allah mibindei cut ei niabiati ngat rino nimai.

KORINTUS GI NIGOM 15:42

Nok gima cem tut nimai nya di ikiju hanyen leu imai eisi. Itig nimai ngut di kroi ei dihyeiti noro Allah bindei ba, nimai kiju hanyen tut ningut di kroi hanyen bi sren.

KORINTUS GI NIGOM 15:49

Nogindini ingwes dat no di Allah ba dihyei ndung bipai testi. Noro ei nidipti bu lene ingwes midat No di kwei leu gwamtiti.

FILIPI 3:21

Noni miluei ingut di sindem bi di mipror yon dini binoyam kin Nonti ningut di kei-kau-kei. Bon Noni yai gima drek dip gima Noni mbun nisindemti mem gima bikuk nipai testi nya hagom ei nimig him.

NINGAT-HI-NGAT NYA 20:6

Yo di ikiju hanyen bit nimpung gi nigom dima ingon nggei-hi-nggei ba, ingon llei bibor cem. Nimai gi nican om kep yok bi. Inok imam mem Allah kin Kristus ba, inok nibou ndig di igwam kui Noni mem ari bingwam sribu gom.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”

NINGAT-HI-NGAT NYA 22:9

Noro noni srep “Ayai nok au! Akuk na bida au! Ma akuk na bak Allah Nongkom! Dani ne awak rin noyam kin nani kin asut bat nabi nya kin yo di yahagom di ikrau kep nihyet di jo ei srat diniti.”