LUKAS 20:24 - ALLAH NIHYET MEM TUNGWATU NYA

²⁴ “Jindo igbit mitiei di jibigo belasten dima biDa. Tou rininyeng kin ningwes jo ei mitiei ninjek dip dini i?” Ibuhup “Kaisar.”

LUKAS 20:24 ပူးပေါင်းရင်းမြစ်များ

MATIUS 18:28

Awak dima ug leu lene um nisut awak gom kin bu di rop nide ningwam gom-gom bak bigyo leu api kimukep nikimam bipai binoni ‘Arop ditde ningwam haninyai!’

MATIUS 20:2

Niabiati noni preu kep yok tut imuhup mitiei nitig di buhun gom mem njap gom leu api cuk yok ba, ikinyon ei midyai dimati.

MATIUS 22:20

Noni hig ser yok “Tou rininyeng kin ningwes jo ei mitiei diniti i?”

MARKUS 12:16

Gima rino indo mitiei nitig gom bak. Leu api Yesus hig ser yok “Tou rininyeng kin ningwes jo ei mitiei diniti i?” Ibuhup “Kaisar.”

LUKAS 2:1

Ei mpe dima Kaisar Agustus tri nihyet bipai bipia suar bikwop nide limwa nya bidem dihyeisi dini hagom yuug ei kintrorti di jo ei itimieisi bindat kep inyeng leu binhyepo noni kan tut yahagom imangti sok yam.

LUKAS 20:22

Gino nigo belasten bak nibou Kaisar Roma gau nyenti lene niyaisi dima tunggwei sut Puig Yahudi nidimig sutti e?”

LUKAS 20:23

Noro Noni kan tut ide nicom biei mpup ris Noti tu. Gima rino pai biyok

LUKAS 20:25

Gima rino Noni pai biyok “Gi nok lene ma jikwas mun di Kaisar nyeng tut nya hanyen igbit bak noni lene ma jikwas mun di Allah nyeng tut nya hanyen bak Allah.”

LUKAS 23:2

Ikkin kep Yesus ninghapti ei sirima bipai “Nittau kep No dini tirigi Noni kes ningon bak ade limwa nya. Noni pai ser tungwatu nya bipia ma igo belasten bak Kaisar au noro jem Nonti ninyeng bipia Nibou Ndig di teu tungwatu nya biyai niyaijo nijep biyok.”

LUKAS 3:1

Mpe dino Kaisar Tiberius nok nibou ndig mem ari bingwam simnaimuhwidip tu ba, Pontius Pilatus ninyeng tak kep timiei hanjop Yudea nya ba, Herodes ninyeng tak kep timiei hanjop Galilea nya ba, Herodes nikindig Filipus ninyeng tak kep timiei hanjop Iturea kin Trakhonitis nya lene Lisanias ninyeng tak kep timiei hanjop Abilene nya ba,

KISAH 11:28

Nabi Agabus cem ningat rin bit yok. Noni kiju biya lene ba nisindemti leu Allah Ninnei bimbot kep tut ninggum nindig bibor di mikieng kep dihyei nisurti-nipekti. (Ba, nimbot kepti dima cut igkep tungwatu nya ei mpe dino Klaudius nok nibou ndig mem yok.)

KISAH 26:32

Lene Agripa pai bak Festus “Dem mem ikes noni leu nisima eisi tu lo, nihyet jo kep bipia suar noni ya ei Kaisar Roma nonti noho bei drek dip nide munhyet dini.”

FILIPI 4:22

Allah De limwa nya yahagom di ingat rin ei minu ndig dini ipigo je lo, gi ningat-ngat rino timiei Kaisar de ig bei nsi nya.