LUKAS 20:13 - ALLAH NIHYET MEM TUNGWATU NYA

¹³ Gima yok bindei ba, anggur niceu kan ‘Sibon ndei notou bu i? Sicuk sipmot di singon ngakei buug leu api jo nibreisi bipia yo dima mikuk yok binoni.’

LUKAS 20:13 ပူးပေါင်းရင်းမြစ်များ

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YEREMIA 36:3

Mpaba timiei Yehuda nya imiap tut mun di buhun bibor di dikos dat bidikes ei yok dip lene ikiek yok leu igyai munti di kinei bibor nya. Gi nok lene dikos ser ide sisar kin igyai munti di kinei bibor nya.”

YEREMIA 36:7

Mpaba ahyet dima mibindei ba, yoni mingat nadi bak tuhan bittin ser igyai munti di kinei bibor nya. Lewo tuhan ba nigga biborti bicug yok tu.”

YEHEZKIEL 12:3

Gima rino na di tungwatu di ayaijo kikau bi e, ma acat ndigban ade nya keyam ei sre nghas di nindig gomti mem njap noyam kin no di tungwatu nya icom no nibon kepti bou yahagom igyai him. Ambut leu abongti ug ei mpia ttou nsi hiter bu noyam kin no di icom ug ei ningkiaisi cem bou yahagom igyai him. Mpaba yo di yaham imbuk kep Da mingon huk niti bipia nani tereu nok no di tungwatu nya icom ug ei ningkiaisi ri.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

HOSEA 6:4

Noro tuhan pai “Je di mben Israel kin Yehuda nya e, dinggon ndei je i? Jingon di ngakei Da pren-pren nyen haninyai noyam kin bumbuhui kin nggou di pren mem njap tekti.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

LUKAS 18:2

Noni pai “Nikei bong ei minu ttou nsi gom. Ningon tindak ba, ngondut tungwatu nya cem bi.

LUKAS 18:4

Nikei ningkek ndok tut kibom bimpu noni bi wer ninno tu. Nikei kan ‘Singon tindak ba, singondut tungwatu nya cem bi.

LUKAS 20:12

Leu api anggur niceu cuk nide awak gi niningai bikwei bu noro yo dima ibui noni bimai-mai nyen lene injei noni ug ei ngug sai.

LUKAS 20:14

Noro tirigi yo dima ingat igbit anggur niceu nipmot di kwei dima lene yuhum yam nsi bipai ‘No dini miba nokep mun nyeng hagom di jo bak nicig. Jikwei ba, ikimukep noni leu binhyepo iba nyekep ba anggur nghousi dini!’

LUKAS 9:35

Leu api nihyet gom tibim kwei leu bumbuhui dima bitri tut “No dini ne Dipmot rin ba, didimig Noni ei su. Ma jimiap kep Noni nihyet!”

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.