LUKAS 20:10 - ALLAH NIHYET MEM TUNGWATU NYA

¹⁰ Tirigi nijam nipuk ba anggur ningatti dem lene anggur niceu cuk nide awak gom bingkwei hanyen bikwei yai ba anggur ningat leu yo dima. Noro ikat noni bibui leu api ijji noni bingkwei hanyen kin gi hei he.

LUKAS 20:10 ပူးပေါင်းရင်းမြစ်များ

NIBOU NDIG NYA GI NIGOM 22:24

Pai nok lene nabi Zedekia kwei ttem Mikha ningyoi bihig ser noni “tuhan Ninnei kes da ei bipingok angonti apig su i?”

NIBOU NDIG NYA GI NICAN 17:13

tuhan pinak Nide awak nya kin Nide nabi nya cem ndam limwa Israel kin timiei Yehuda nya leu binhyepo isok kep yok “Ma jikes hon jibon munti di kinei nya lene ma jibit dicuk jeti nya kin dikos tutti nya di diyai bak jidigup bat-jidigai bat nya ba, diyai bak jeni cem tug hon Ditde awak di nabi nya dima.”

NIBOHON MBEN ISRAEL GI NIGOM 19:4

Gima rino Nibou Ndig Hanun kat yo di igya kui Daud pima bikak yuhui nta leu cem kos sinsun di ide leu yok bijo sur intig bou hak cem leu api cuk yok bingkwei hanyen.

NIBOHON MBEN ISRAEL GI NICAN 16:10

Lene Nabi Hanani nipaisi dima bindei ba, Asa ningon sibui sut noni. Apino com Nabi dima ug ei ig bui nsi. Mpe dima lene Asa sindi ba nimbuk kak nide limwa nya ibou poi.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 20:2

noni cuk tungwatu nya leu binhyepo ibui da ba, iba biei ner bikibi kep dimig bingkiem kui Dimbou Pmem Benyamin. Dimbou pmem dima ne itu ei tuhan De Ig nijjai.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 5:24

Mbro nok gino Dani rino dikes biget mem je ei nijam biget nimbie him kin ningwigsi ba, diyai nijam nikos gandum bikwop ari bingwam mem je cem lo, jikuk je bijibou cut biDa bi sren.

LUKAS 13:34

Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

LUKAS 20:11

Gima rino anggur niceu cuk nide awak gom kin bu bingkwei hanyen ndam yok noro ibui noni bibok lene ibimangkrei noni cem ba, ijji noni bingkwei hanyen kin gi hei he.

LUKAS 20:9

Yesus ba nihyet nibiti nindati bingginau tungwatu nya bipai “Mpe di gom ne miai ceu gom ug yai midyai ei nide ba anggur kioisi. Noni ndo midyai dima bak yo di inyohou ba anggur kan nya leu api mbut ug ei minu ting leu lene gwam ninno ei sirima.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

ROMA 7:4

Disut bat jen, nok gima tut jeni cem. Jindo jimai eisi bak Puig Yahudi niggai serti lewo jinggre kin Kristus ninguda. Nogindini jijem jiceu bit Kristus di Allah kon leu nimai eisi. Allah kon Noni hanyen leu nimai eisi leu binhyepo nyeni iba niyaijo nijep biyai midyai mem Allah.