LUKAS 2:37 - ALLAH NIHYET MEM TUNGWATU NYA

³⁷ lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

LUKAS 2:37 ပူးပေါင်းရင်းမြစ်များ

MAZMUR 22:2

Ditde Allah e, akes da ei leu binggon i? Anggon rino ambres Nanti ei minu ting ba, angkek ndok tut da lene angig atingou mem dihyet cem bi i?

MAZMUR 23:6

Dikan tut bipia asingat tut da ba, angondut da kikau mem diyaijo nijeisi leu api midibong ser Ade Ig tereu nok ditde nghim nsi kikau ug bipek diyaijo ningwig honti.

MAZMUR 27:4

Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

MAZMUR 84:10

Allah e, ma anjei mun di kei bak nyende nibou ndig. Ma aya srak ko hagau no di adimig ei su.

MAZMUR 84:4

Ditde Allah kin tuhan Di Sindem Bibor di anyeng tak kep da e, minsit nya itot yaham ba, hacincau nya itot iban leu api ibep idinggwei nya dideu Ade nimbar hum dok nya.

MAZMUR 92:13

Yo di ingon sren nya yehe nok nibiop di hei binnum kei noyam kin dui sraba ba, ide nimeng nggrou dem kep buom Libanon.

NEHEI LEUSI 38:8

Lene Bezaleel ba kisina ngkimom-tembaga bibon bokor minyei bitut nidihim cem ba, ninyeng rino Bokor Ngkimom-tembaga. Sop di igyai midyai hammi dimbou tuhan De Prak Meng nuhui nya ikwas ide kisina hagom tut Allah leu binhyepo Bezaleel bibon bokor dima.

LUKAS 5:33

Tungwatu nya ibou poi ihig ser Yesus “Nggon rino yo di igya kui Yohanes kin yo di igya kui Farisi nya igyem njita bi mem nituti poi leu binhyepo yuhuk nadi noro yo di igya kui Na igyem njita bikwop njap i?”

KISAH 13:3

Niabiati yo di inggre kin mbusyamei igyem njita bi mem nituti poi bingat nadi cem leu api ikes inda ei Barnabas kin Saulus ibou dip bikes yok bimbut.

KISAH 14:23

Paulus kin Barnabas ita nibou mbusyamei nya bidem ig mbusyamei niyati hagom lene iba nadi kin niyem njita bi mem nituti poi bikes yok ei Allah di nibou dima yok ingon jo kep nindati.

KISAH 26:7

Nyende pung di nintun him ibou simnaibrimigcan ikuk yok bak Allah bikwop mmun-njap ba, igyok ingon mem mun di Noni preu ei mem yok. Na di Andigpoi e, mben Yahudi ipai da kinei drek dip mun di Allah preu ei mem nye.

TIMOTIUS GI NIGOM 5:5

Sop kibom di nijit rino sop kibom di bon nide bat nya hi di inyohou noni bi. Noni ba ningon com Allah ba, huk nadi bak Noni tut mun di suar bikwop mmun-njap.

NINGAT-HI-NGAT NYA 3:12

Dita no di bindei cut sisar nisindemti nok cou nipmem ei Allah De Ig leu api noni mibong kep Ig dima kikau buug hon nohonti bi. Midipas kep Ditde Allah ninyeng kin Nide minu ndig Yerusalem di nijep ninyeng ei no dima dip. Ba, minu ndig Yerusalem di nijep misrek kwei leu Allah ei gwamti. Midipas kep dinyeng di nijep bu ei no dima dip.

NINGAT-HI-NGAT NYA 7:15

Gima rino idem yam bigya ei Allah de banggo mbrei nuhui bikuk yok bak Noni bikwop mmun-njap ei Nide Ig. No di gwam banggo mbrei dip ningat rin bit yok binyohou yok.

SAMUEL GI NIGOM 2:2

Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.