LUKAS 19:47 - ALLAH NIHYET MEM TUNGWATU NYA

⁴⁷ Yesus ngginau tungwatu nya di ingat rin ei Tuhan De Ig bikwop njap-njap. Imam nindig nya kin guru Puig Yahudi nicukti nya kin nibou mben Yahudi nya yahagom imem kep ser nituti mem gima igyai nimai biNoni.

LUKAS 19:47 ပူးပေါင်းရင်းမြစ်များ

MATIUS 21:23

Tirigi Yesus kwei krau Tuhan De Ig hanyen ba, tri tut nihyet lene imam nindig nya kin nibou mben Yahudi nya ikwei hig ser Noni “Mindur di abon pima tug hon tou ninyeng i? Tou risindem tut Na i?”

MATIUS 26:55

Lene Yesus hig ser yo di ningot ndig dima “Jiba jide simeda kin biap tindak kwei bikat Da bit leu nok jikat no di sibut e? Apo digwam ei Tuhan De Ig biditri tut dihyet bikwop njap lo, jikat Da bi e?

MARKUS 11:18

Tirigi Yesus ninghapti tibim ug ei imam nindig nya kin guru Puig Yahudi nicukti nya itingou nsi lene inggok nikwesti mem ihwen Noni. Ittin tut Noni lewo tungwatu nya yahagom inggap leu tut nihyet.

MARKUS 12:12

Gima rino mben Yahudi ide nibou nya ipi bikat Yesus lewo ikan tut bipia nihyet nibiti nindati dima pai singgre yoni. Noro ittin tut tungwatu ningot ndig dima ba, ikes Noni biyuug leu.

MARKUS 14:1

Mpe dima lene jo njap can bu nipou tirigi tto bou dem mem ibon pesta kep Njap Ndig Paskah kin Njap Nindig Roti Dwoi Bi bigyo lene imam nindig nya kin guru Puig Yahudi nicukti nya imem kep ser nikwesti mem gima ikat Yesus niku leu binhyepo igyai nimai bak.

MARKUS 14:49

Apo dingat rin ei Tuhan De Ig biditri tut dihyet bikwop njap-njap bou jiyai him lo, jikat Da bi e? Noro suar mun dini yok hagom cut igkep nye leu binhyepo Allah Nihyet midem igbit.”

LUKAS 19:48

Noro bon nituti mem igyai nimai biNoni bi lewo tungwatu nya yahagom ingig itingou mem nihyet ba, ijoi sut ningginau yokti nya.

LUKAS 20:19

Guru Puig Yahudi nicukti nya kin imam nindig nya ipi bikat Yesus mem nituti dima lewo ikan tut bipia Noni ba nihyet nibiti nindati pima bipai singgre yok. Noro ittin tut tungwatu ningot ndig.

YOHANES 10:39

Yo dima ibrim ingkek hanyen bipi bikat Noni noro ningwes ngun leu inda nsi.

YOHANES 18:20

Yesus buhup “Ditri tut nihyet brei bak tungwatu nya yahagom ei biyati kin jide ig mbusyamei kin Tuhan De Ig di nok mpia di tungwatu nya yahagom induk yam kikep eisi cem. Diku mimun tut nihyet di ditri tut biyok bi sren.

YOHANES 7:19

Apo Musa yai Allah nicukti bije bi e? Noro jigom bit nicukti dima cem bi. Nggon rino jibingon mem gima jiyai nimai biDa i?”

YOHANES 7:44

Bihi ipi bikat Noni noro hi brim ningkek bingget Noni bi.