LUKAS 19:42 - ALLAH NIHYET MEM TUNGWATU NYA

⁴² bipai “Ndina! Gi kei rino njap di ammani jingon hukti tut mun di biyai jingon di kwes kin Allah! Noro nogindini mun dima jo nding leu jiyai him!

LUKAS 19:42 ပူးပေါင်းရင်းမြစ်များ

MAZMUR 32:6

Gima rino ma yo di ingon gom nya ingat nadi tirigi mun di buhun cut igkep yok. Gino mun di buhun dima dem kep nok minyei di su lo, mihwen yok bi.

MAZMUR 81:13

Gima rino disindui sut di ingkek ndok ug a. Nnaba, ibit yonti ingon kanti hak ug.

YESAYA 44:18

Yo di igyai nok gima ingkek ndok bibor! Imut igyai ba, ingon ndok ser lewo ingon hukti tut mun di igyai dima haigtu bi.

YESAYA 48:18

Mijiyok ngon kep Ditde nicuk jeti nya ug ma jide nibong kei nigwam keisi midem kep minyei di pingge bi. Ba, jide ninggei-hi-nggeisi midem kep muk ngei di roi ei ningeisi di kes hon bi sren cem.

YESAYA 55:6

Ma jingkwei hanyen ndam tuhan lewo Noni bon nikwesti mem je ba, jingat nadi bak Noni lewo Noni dideu je.

YEREMIA 13:17

Gino jikou sut nimiap kep dihyetti ne midipim mmuti. Diba ningon di ngguk bibor bipim tut jide ningon jeisi dima. Diyai nggwei mikibor drek dip siceu nya di ikat tuhan de limwa nya bikri yok ug ei ingkiaisi.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

LUKAS 19:41

Tirigi Yesus ttau dideu Yerusalem bicap minu ndig dima lene Noni pim biniyai nggwei kibor tut,

LUKAS 19:43

Lewo ei nijam di mittau ei nidipti bu ne siceu nya igyon ttai jide minu ndig bibon mun-mun hi bibikwam ser jingwak him bibinggam je ei ninsi.

LUKAS 19:44

Yoni minggek jide ig hagom bitut timiei nya yahagom bingwig. Yoni mibindei timek je bitut timiei nya yahagom. Tig di jo-jo yam dip mijo bu bi lewo jingon hukti tut nituti di Allah kwei mem gima teu je bijingwes ngun bi!”

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

NINDAT KEP TUHAN NICUKTI NYA 32:29

Mun di bindei dino icut bak ide siceu nya jo nibreisi mem yok bi. Ingon kiowi tut mun di cut igkep yok tu.

NINDAT KEP TUHAN NICUKTI NYA 5:29

Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.

IBRANI 3:13

Noro ma jipingok yam ngonti bikwop mmun-njap kikau tirigi jiyaijo mem nijam di Allah nihyet pai “Njap di Ammani” leu binhyepo sisar ris je bijingkek ndok au.

IBRANI 3:15

Bit leu nok gi ipas ei Allah nihyetti “Gino jimiap Allah nihyet mem Njap di Ammani lene ma jingkek ndok nok jidigup bat-jidigai bat nya di yaham imbuk kep Noni au.”

IBRANI 3:7

Gima rino Allah Ninnei sok kep nye “Gino jimiap Allah nihyet ei nituti dini,