LUKAS 19:38 - ALLAH NIHYET MEM TUNGWATU NYA

³⁸ Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

LUKAS 19:38 ပူးပေါင်းရင်းမြစ်များ

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 2:2

Ba, ikwei hig-hig nyen ser bipai “Mben Yahudi ide nibou ndig di nipmem srek tut bong tirigitou i? Ningat Nide ham di pri ei bei mpia nipriti. Gima rino nikwei mem nikuk nye bak.”

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

LUKAS 13:35

Gima rino Allah mikes jide minu ndig dini ei ba, dem kep nok ha ngunti ri. Hon kep ammani kui ne mijingat dingat bou jiyai him bu bi bibou jipai ‘No di kwei tug hon Allah ninyeng ningon nggei-hi-nggei ug e.’ ”

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

EFESUS 1:12

Jikwei ba, nye di iba ingon com Kristus bibie inggei sut Allah tut nikei-kau-keisi!

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

EFESUS 3:10

leu binhyepo tini bu lene mbusyamei nya ibindei ba, mun nyeng hagom di ikrau kep nisindemti ei mpia-bbed him nya ikan tut bipia Allah ningon kiti bon ninyeng mang bibor.

EFESUS 3:21

Handei kon ba, nye di inggre kin mbusyamei di inok gom kin Kristus Yesus inggei sut Allah bijo ninno bijo kikau lene ma tungwatu yahagom ikon Allah ninyeng buug hon nohonti bi! Igbit ri.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.