LUKAS 19:17 - ALLAH NIHYET MEM TUNGWATU NYA

¹⁷ Niceu pai binoni ‘Kei bibor! Nani ne awak di ningon gom ri! Midita nani nok nibou mem minu ttou nsi simnai lewo ajoi bibor tut mun di nimien dima.’

LUKAS 19:17 ပူးပေါင်းရင်းမြစ်များ

NITRITI 39:4

Gima rino Potifar joi sut Yusuf nindig bibor bikon nok no di mpu nonti njem bikon ninyeng binok nibou mem ig bei nsi nya kin nibou mem nide ndigban hagom cem.

NIPINGOK NINGONTI 27:18

Tungwa tou rino nyohou biei ninjem mipuk ningat biyem. Awak tou rino nyohou niceu lene ningon nggei-hi-nggei mpe dino niceu nggei sut noni i.

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

LUKAS 16:10

No di ningon gom tut mun di nimien ningon gom tut mun di nindig cem. Noro no di ningon gom tut mun di nimien bi lene ningon gom tut mun di nindig cem bi.

LUKAS 19:16

Awak gi nigom kwei ya ei noho bei bipai binoni ‘Andigpoi e, dibikum ei ade mitiei ninjep gomti ba, nimangti ug ei ninjep simnai bu.’

LUKAS 19:18

Awak gi nican kwei pai binoni ‘Andigpoi e, dibikum ei ade mitiei gomti ba, nimangti ug ei ninjep muhwi bu.’

LUKAS 22:30

Jigwam kui Ditde meja bijiyem njita ba, jidut ndia ngei bit Da mpe dino diyai dinyeng Nibou Ndig. Mpe dima lene jigwam ei jide banggo ningat simnaibrimigcan dip leu binhyepo jinyeng tak kep mben Israel ide keret simnaibrimigcan.”

ROMA 2:29

Noro no di ntun mben Yahudi him di nijit rino no di ntun mben Yahudi him ei ningonti biyai midut sunat ei ningonti tug hon Allah Ninnei de midyai noro tug hon srat bokti he bi. Allah nggei sut no dima noro tungwatu nya inggei sut noni bi.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.