LUKAS 19:14 - ALLAH NIHYET MEM TUNGWATU NYA

¹⁴ Noro timiei di leu nitimieisi ingon mpo tut noni. Gima rino isok ighyet ei ibou poi di ibram noni dip bram bipai ‘Nikou sut gima no dini ninyeng tak kep nye a.’

LUKAS 19:14 ပူးပေါင်းရင်းမြစ်များ

SAMUEL GI NICAN 23:7

Suar iba biei kin ngkimom nitu bikam cibou nggwen dima. Gi bi lene ingget ba, ikrau cem bi. Nok gima cem yo di igwam Allah ninghim pima mitug ndei hum di yem yok bingwig.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

LUKAS 14:32

Gi bi ne noni sok nihyet ei yo di igya kui noni ibou poi dip leu binhyepo yuug ya hacan mem noni tirigi nibou ndig hiter dima no rima ei minu ting yo. Leu binhyepo ikwam minggwen bit yam ser.”

LUKAS 19:13

Nipou tirigi mbut bigyo ne noni hig nide awak nya ibou simnai kwei bikwas mitiei mas ninjep simnai tut yok ba, hi yai ninjep gom hi yai ninjep gom bikwop nok. Lene noni pingok ingonti bipai biyok ‘Ma jiba mitiei dini bipek mun leu api jitri ba, jibipek mitiei hi kin bu kikau bibou dikwei hanyen kep.’

LUKAS 19:15

Noro timiei minu ting dima ita noni nok nibou ndig leu api ngkwei hanyen ei nitimieisi. Lene noni bipbur bihig nide awak nya di noni kwas mitiei tut yok dima kwei leu binhyepo hig pus yok tut mitiei di ibikum eisi bu.

LUKAS 19:27

Nogindini ma jikat ditde siceu nya di ikou sut gima dinyeng tak kep yok kwei leu api jikimukep yahagom bou diyai him hak ug!’ ”

YOHANES 1:11

Noni kwei ei nitimieisi noro Nide mben igya um Noni bi.

YOHANES 15:18

“Mpe dino tungwatu dihyeisi dini ingon mpo tut je lene ma jiyok ngon kep bipia ingon mpo tut Da bibie tu.

SAMUEL GI NIGOM 8:7

Lene tuhan buhup “Ma ayai hagom bit leu nok yo dima yahara naniti hak ug. Lewo irok nani bi noro irok Dani. Lewo ikou sut gima dinok nibou ndig mem yok.