LUKAS 18:32 - ALLAH NIHYET MEM TUNGWATU NYA

³² Tungwatu nya mikes Noni ei ngkiai nya indati leu binhyepo iba ighyet bicig Noni lene ibimangkrei Noni lene itrai ndei Noni,

LUKAS 18:32 ပူးပေါင်းရင်းမြစ်များ

YESAYA 50:6

Dikes dinghim bak yo di ibui da bidikiek dingyoi bak yo di itiba duhui nta. Dikiek doho ter leu yo di inim kep da di itrai sut da bi.

YESAYA 52:14

Nipou ne tungwatu nya imang bibor inga leu mpe dino ingat noni bou igyai him lewo hi bui noni bimos kei ba, niimaisi wer tungwatu bi.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

MIKHA 5:1

tuhan pai “He minu ndig Betlehem Efrata e, anyeng mitibim nok minu mien he ei minu Yehuda bu bi! Noro midita ade timiei gom nok nibou di ninyeng jei mem mben Israel ba, pung di noni ntun him jo habiei nipou su.”

MATIUS 16:21

Leu mpe dima bikui ne Yesus kindi pai brei bak yo di igya kui Noni “Suar Da duug ei Yerusalem leu api nibou mben Yahudi nya kin imam nindig nya kin guru Puig Yahudi nicukti nya migyai ninghuisi wei biDa leu api mijem nimai gau Da noro njap ningai bu lene midikiju hanyen leu dimai eisi.”

MATIUS 20:19

Leu api yoni mitri Noni hanyen bak ngkiai nya. Yo dima miba ighyet bicig Noni ba, imbas Noni leu api mipek Noni ei biei salibti cem. Noro ei njap gi niningai lene Noni mikiju hanyen leu nimai eisi.”

MATIUS 22:6

Ba, nindigsi nya ikat awak nya bibui yok ba, ikimukep yok cem.

MATIUS 26:67

Lene bihi itrai ndei Yesus niimaisi bibui Noni cem lo, hiter di ittem nijap ihig singgre Noni,

MATIUS 27:2

Iba lante biteu nimig ninda leu api ibuwak biyuug sut bikes ei Pilatus di Kaisar ta nok nibou mem minu dima nindati.

MARKUS 14:65

Lene ibihi itrai ndei Noni leu api iba sinsun ninghas binggai kep niyai lene ibui Noni. Leu api icuk “Ando igbit no di bui Na i.” Ba, yo di igya ser Tuhan De Ig ittem nijap bu.

MARKUS 15:1

Njap bigyoti lene imam nindig nya kin nibou mben Yahudi nya kin guru Puig Yahudi nicukti nya ibisau ba, induk yam bit Nikei Puig Yahudi nindigsi nya leu binhyepo isimbot kep Yesus ninghapti biyam. Iba lante biteu Yesus leu api ibuwak bikes ei Pilatus nindati.

LUKAS 18:33

lene imbas Noni ba, ihwen Noni cem. Noro njap ningai bu ne Noni mikiju hanyen leu nimai eisi.”

LUKAS 23:1

Nikei Puig Yahudi nya yahagom ikiju bigya leu api ibuwak Yesus ug ei Pilatus noho bei.

LUKAS 23:11

Herodes kin nide tentara nya iba Yesus bikek ba, iba ighyet bicig Noni cem. Ijuk sinsun ndok di jei di nibok kak ei Noniti leu api Herodes pinak Noni bingkwei hanyen ug ei Pilatus noho bei.

LUKAS 23:35

Tungwatu nya di induk yam ei sirima itou kep hak. Noro nibou ndig mben Yahudi nya iba ighyet bicig Noni bipai “Noni teu yo di hiter ba, ingwes ngun. Gino Noni ne Nibou Ndig di teu tungwatu nya biyai niyaijo nijep biyok di Allah ndo ei su ningat-ngat rin lene ma teu Nonti hak biningwes ngun.”

YOHANES 18:22

Tirigi Yesus pai nok rino tungwagom leu yo di igya ser dima ttem nijap bimbrua kep Noni “Nggon rino abrim angkek bibor dino abuhup Imam Nibou Ndig nok gima i?”

YOHANES 18:28

Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi.

YOHANES 18:30

Yoni ibuhup “Gino Noni yai tunggwei mun hi bi lene nibuwak Noni kwei biya ei aho bei bi.”

YOHANES 18:32

Ipaisi dima bindei ba, mun di Yesus pai sut Nonti nimaisi micut igkep Noni.)

YOHANES 18:35

Pilatus buhup “Akan bipia dani ne mben Yahudi rin e? Ade limwa nya kin imam nindig nya ikes Na ei dindati. Ayai mun tunggwei nok mindei i?”

KISAH 2:23

Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib.

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.