LUKAS 18:14 - ALLAH NIHYET MEM TUNGWATU NYA

¹⁴ Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

LUKAS 18:14 ပူးပေါင်းရင်းမြစ်များ

AYUB 22:29

tuhan cut yo di ikon yonti inyeng noro teu yo di iba ibou coi mem yam bingwes ngun.

AYUB 25:4

Tungwa hi kei-kau ei Allah niyai him e? Hi ningon kwes-kwau ei Noho bei e?

AYUB 9:20

Mbro nok gino dingon ngun lo, Allah mipai kep da drek dip nihyet di jo duhui. Noni mikiek dihyet bibindei ba, dihyet pai kep danti.

MAZMUR 138:6

Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

MAZMUR 143:2

Ma ambus Ade awak di dani dingonti au. Lewo hi di ningon ngun ei ayai him bi.

NEHEI LEUSI 18:11

Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

NIPINGOK NINGONTI 15:33

Nikuk nye bak tuhanti ne nitriti mem mun di ipikor eisi hagom ri. Suar aba abou coi mem tungwatu nya bibie ug e leu api yoni minggei sut na.

NIPINGOK NINGONTI 18:12

Yo di illei-lau nya micut. Tungwatu nya inggei sut no di ba nibou coi mem yok.

NIPINGOK NINGONTI 25:7

Gino hi cigit na ba, akui ug ei mpia di noni bet ei mem no di ninyeng jei lene gima kei bibor dor njiriek gima hi cuk na ba, akes mpia di agwamti bak no di ninyeng jei njiriek na.

NIPINGOK NINGONTI 29:23

Yo di illei-lau micut noro tungwatu nya mikon no di ba nibou coi mem yok ninyeng.

NIPINGOK NINGONTI 3:34

tuhan ningon mpo tut yo di illei-lau sut yonti noro Noni njei ningat di kei bak yo di iba ibou coi mem yam.

NIBA NINGON SRIP HUKTI 9:7

Nnaba aba angon di llei biyem njita cem aba angon di nggei-hi-nggei bidut ndia ngei cem hak ug lewo Allah miwok na drek dip bi. Noro mijoi sut na.

YESAYA 45:25

Da di tuhan miditeu yo di intun Yakub him bingwes ngun leu api yahagom minggei sut Da.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

MATIUS 23:12

Lewo Allah om kep no di yok ningon mem ninyeng di jei noro kon bikwop no di om kep ningonti ninyenga.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

LUKAS 1:52

Noni njei nibou ndig nya leu ide banggo dip leu api kon yo di tungwatu nya ingwes pri gau yok binyeng jei.

LUKAS 10:29

Noro no dima pai mun singgre mem gima bisu tindei nonti bihig ser Yesus “Tou rino yo di hiter di dingon ngakei yok i?”

LUKAS 14:11

Lewo Allah moom kep no di bisau sut ninyeng jei noro Noni mikon bikwop no di om kep ningonti ninyenga.”

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

ROMA 3:20

Lewo bit bon tungwa hi yai ningon kwes kin Allahti drek dip nibon munti di bit leu nok Puig Yahudi nicuk noti kan bi. Noro nicukti dima ndo brei bak tungwatu nya bipia yahagom ibon sisar.

ROMA 4:5

Noro ma nyeni iba ingon srip huk bipia no di ba ningon com Allah noro ba ningon com niyai munti nya bi. Allah kwop kep no dima niba ningon comti lene ba ningon di ngun biluei ningon di mui hanyen. Tug hon nisinati dima ne Allah biyai no dima ningon kwes kin Noni hanyen.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 8:33

Gino Allah simbot dat tut Nide limwa di nyeni bipia ingon kwes kin Noni ne tou ripai kep nyeni i?

GALATIA 2:16

ikan tut bipia tungwatu nya igyai ingon di kwes kin Allah tug hon gi ibit Puig Yahudi niggai serti bi noro tug hon ide niba ningon com Kristusti he. Gima rino nyeni cem ingon jo kep Yesus Kristus leu binhyepo ibiyai ingon di kwes kin Allah tug hon ide niba ningon com Noniti lene tug hon nibit Puig Yahudi niggai serti nya bi. Lewo bit bon hi yai ningon kwes kin Allah tug hon gi bit Puig Yahudi niggai serti kan bi.

YAKOBUS 4:10

Suar jiba jibou coi mem Allah leu api Noni mikon jinyeng.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

SAMUEL GI NIGOM 1:18

Lene Hana pai binoni “Andigpoi e, nna ba didem mem mun di kei di sindi anjei bak dani.” Lene noni kes Eli ei bimbut. Tirigi noni yem njita bindei no tu lene ningon kwes hanyen.