LUKAS 16:31 - ALLAH NIHYET MEM TUNGWATU NYA

³¹ Noro Abraham buhup ‘Gino ibit Musa kin nabi nya ide nicukti nya bi lene mice tut bibit no di kiju hanyen leu nimai eisi nihyet cem bi.’ ”

LUKAS 16:31 ပူးပေါင်းရင်းမြစ်များ

NITRITI 9:27

Nna ba Allah bindei ba, Yafet de nintun him yamti di bram yam nya idigek bibor ba, ibong bit yo di intun Sem him. Kanaan minok awak mem Yafet.”

LUKAS 16:30

Noro no di nyeng bibor buhup ‘Arig Abraham e, gima dem bi! Gino tungwagom kiju hanyen leu nimai eisi buug ngat yok lene yoni ittin ser ide sisar ba, ikiek ndam Allah hak ug.’

LUKAS 17:1

Yesus pai bak yo di igya kui Noni “Mun di bindei dino tungwatu nya ibon sisar nonaha. Noro aye! Buhun bibor mem no di bindei dino hiter bon sisar!

YOHANES 5:47

Noro gino jiba jingon com mun di noni pas kep dima bi lene notou jingon jo kep dihyet bu i?”

KISAH 19:8

Paulus ug cem kep mben Yahudi ei ide ig mbusyamei lene ba niji nghai bitri tut nihyet biyok mem bed ningai. Noni ba nihyet bidahat yok leu binhyepo ingon huk niti tut Allah ninyeng tak kepti.

KISAH 26:28

Lene Agripa pai bak Paulus “Ambrap mbigom dini he leu api akan bipia abindei bidinok no di Kresten e?”

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KORINTUS GI NICAN 4:3

Leu gino tungwatu nya ingon dor Nihyet Di Kei di nitri tut dimati bi ne gima tut yo di israwir di ingon dorti tut Nihyet Di Kei dima bi nya he.

KORINTUS GI NICAN 5:11

Nyeni ningon dorti tut nittin tut Tuhanti. Gima rino nibrim ningkek kep tungwatu nya leu binhyepo ikan tut bipia ningon gom. Allah kan tut mun di jo ei nyeni ningon bei. Lene diyok dingon mem gima jeni cem jikan tut da bit leu Allah nikan tut dati.