LUKAS 16:26 - ALLAH NIHYET MEM TUNGWATU NYA

²⁶ Ter leu gima lene pimbien nindig di jut bibor bikkin ser nyeni kin nani. Bit bon hi pri gau leu nite dini hwou ndam na kan bi. Nok gima cem bit bon hi pri gau leu nite dima kwei ndam nyeni kan bi!’

LUKAS 16:26 ပူးပေါင်းရင်းမြစ်များ

MAZMUR 49:14

Gima ne mun di micut igkep yo di iba ingon com yonti kin yo di ingon ngakei ide mun di inyeng tut nya ri.

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

YEHEZKIEL 28:24

tuhan pai “Minu ngkiai di gahai Israel di ighyet wer mpiahi tut yok idem kep ndia nggwen di biyai nidut bak Israel bu bi. Minu dima yok ingon huk niti bipia Dani ne tuhan Di Ninyeng Jei ri.”

MALEAKHI 3:18

Ditde limwa nya mingat bou igyai him bipia mun di pek kep mem no di ningon kwes kei kin mun di cut igkep no di mbuk ter leu yam. Mun di pek kep mem no di kuk no biDa kin mun di cut igkep no di kuk no biDa bi ter leu yam.”

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

LUKAS 12:59

Ma jiyok ngon kep bipia yo di igya ser nya mikau dimbou ig bui leu je bi bibou jikum ningwam bingwig ug e.”

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

LUKAS 16:27

No di nyeng bibor pai ‘Arig Abraham e, dijoi sut ma acuk Lazarus ba, ug ei dicig nide ig,

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

NINGAT-HI-NGAT NYA 20:10

No dima com Bilis di ris bak tungwatu nya yahagom ei muk hum belerang di cig-caiti. Mindhe di niten-pos kin nabi nitrowai itug ndei hukum ei muk hum nipou su. Yo dini mitug ndei inghuisi wei nindig bibor bikwop mmun-njap kikau buug hon nohonti bi.

NINGAT-HI-NGAT NYA 22:11

Nnaba yo di isibut nya ibon kep mun di kinei kikau. Nnaba yo di irom-rau nya ibon kep mun di mpiei kikau. Noro yo di ibit Allah ningon kanti nya igyai igbit ningon kanti dima kikau ba, yo di ingon kwes kei nya inyohou ingon di kwes kei dima kikau.”

SAMUEL GI NIGOM 25:36

Tirigi Abigail ngkwei hanyen lene ngat lo, Nabal bon pesta nindig bibor ei nide ig ba, pesta dima noyam kin nibou ndig de pesta. Pes pu noni ba, nibou ngwakti sibui lene yai nillei cem. Gima rino nitnem pui mun bak bi kikau bipek njap di hyep bu.