LUKAS 16:19 - ALLAH NIHYET MEM TUNGWATU NYA

¹⁹ “Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

LUKAS 16:19 ပူးပေါင်းရင်းမြစ်များ

ESTER 8:15

Gima leu lene Mordekhai juk sinsun no di ninyeng jei di bon nisieng nidri kin nitiei bitut sinsun ndok di jei di gwam nimig gom di bon nisieng nghei nta di iba minghas linen bibon lene ba topi no di ninyeng jei di iba mas di kei-bibor-kei bibon bijuk nibou cem. Tirigi su no gima yokti behei sut leu ig nibou ndig kwei lene timiei minu ndig Susan imbos-hi-mbos bigyai nillei bibor cem lewo yahagom ingon nggei-hi-nggei.

NIPINGOK NINGONTI 14:24

Tungwatu nya inggei sut yo di ingon ki tut ide ningon kiti noro ikan bidem tut yo di ingon mbum nya tug hon ide ningon mbumti.

NIPINGOK NINGONTI 31:22

Noni bien ban di ndok bingig kep nibongti bijuk sinsun nghei nta di ba minyahas linen di dia-diau kei binap mem nonti.

YESAYA 3:23

kin sinsun di dile kei kin sinsun di iba minghas linen bibon kin mun di ibingot ikimam kin minghas di nijei di ibinggai ser ibou kin iimaisi cem hagom leu yok.

YEHEZKIEL 16:13

Aba mas kin perak bimau na ba, ajuk sinsun di iba minghas linen kin minghas sutra bibien he. Lene ayem roti di iba tepun di kei bibor kei bikang kin ahwei lon kin mini zaitun. Ade nuubbuti bibor he ba, awer na nok nibou ndig nitnem hi ri.

YEHEZKIEL 16:49

Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.

YEHEZKIEL 27:7

Iba minghas linen di ibien di kwei leu minu Mesir binap ade sriwir nya binok mun di bindo mem gima hiter ibikan tut akwei leusi. Ade prak meng ne minghas nghei nta di nggriu-nggrop kei di kwei leu Mios Siprus ri.

MARKUS 15:17

Lene ijuk sinsun ngwoi di jei di ndok ei Yesusti lene inghau cibou nggwen ba, ibijuk nibou bittin nok topi.

MARKUS 15:20

Tirigi iba ighyet bicig Noni bingwig leu lene ijuk sinsun ngwoi di jei di ndok leu Noni leu api ijuk Nide sinsun ei Noniti hanyen. Lene yehei sut Noni leu binhyepo ipek Noni ei biei salibti.

LUKAS 15:13

Njap poi kin bu lene mot nipumiap dima tri nide ndigban hagom bingwig bibipek mitiei leu api pwoi hagom bikes nitimieisi ei leu lene mbut tut bihigom. Noni mbut buug ei minu ting bibong ei ningkiaisi. Ei sirima ne noni bimangkrei nide mitiei hagom bingwig ei niyai munti di kinei di srou noni.

LUKAS 16:1

Yesus pai bak yo di igya kui Noni “Mpe di gom ne andigpoi di nyeng bibor ta tungwagom nok mindor mem nide awak nya. Mindor dima nyohou mun di niceu nyeng tut nya hagom. Mpe di gom lene hi pui kep awak dima ninghapti bak andigpoi tut mitiei di noni bimangkrei.

LUKAS 16:18

No di kou sut nitnem buug wak sop gom bu bididei nitnem ndig bon sisar nicut tut yamti. No di wak sop di nijjep kou ei lene no dima cem bon sisar nicut tut yamti.”

LUKAS 16:20

Mpe dima cem no di nuhui mbum di ninyeng Lazarus no rinaha ba, nibok jo bidem ningkek dip bibong ser dimbou hui ei no di nyeng bibor pima nide biyati bikwop njap-njap.

NINGAT-HI-NGAT NYA 17:4

Sop dima juk sinsun di nok nghei nta kin ningwoi cem ba, ndei mas kin tig permata kin sriou tiei njep mang bibor. Noni krau mok mas di ut tut mun di mpiei cem rom-rau cem di ntun nide sisar nicut tut yamti him ei nindati.

NINGAT-HI-NGAT NYA 18:16

Ba, yahara “Ayo! Ayo! Notou mem minu ndig di ninyeng jei dima i? Nipou lene noni juk sinsun di iba linen bibon kin sinsun nghei nta kin sinsun ningwoi lene bindei mas kin tig permata kin sriou tiei njep.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’

NIJAM NIKEI NYA 8:26

Mitingouhim mas di nide limwa nya igyai binoni hagom sok yam nibuhunti kilo ningot can. Lene ikwop ndigban nindigsi di nok srak mas kin miep kin minghas nghei nta di nibok kui di nibou ndig Midian nya ibimau yonti kin mun di ibimau ide unta nya bisrou ei ninggibi dip cem nimangti coi bi.