LUKAS 16:17 - ALLAH NIHYET MEM TUNGWATU NYA

¹⁷ Noro krop kei mem mpia-bbed him kin dihyeisi dini pror hak leu gima nipas kepti gom ei Allah Nicukti pror a.

LUKAS 16:17 ပူးပေါင်းရင်းမြစ်များ

YESAYA 40:8

Lewo minta mui hak ug ba, mitou llet. Noro ide Allah nihyet jo gingga ba, bit bon ug hon nohonti kan bi.”

YESAYA 51:6

Ma jicap mpia-bbed him bijitou kep dihyeisi. Mpia-bbed him mipror bidem hum mmup di brou lene dihyeisi dini mikinei bidem sinsun timiei. Timiei dihyeisi dini yahagom midem kep amihip di mai. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.

MATIUS 5:18

Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

LUKAS 21:33

Mpia-bbed him kin dihyeisi dini misar noro Da dihyet misar bi sren.”

ROMA 3:31

Gini ndo bipia ide niba ningon com Kristusti com Puig Yahudi nicukti nya bihigom e? Nok bi! Noro iba ide niba ningon com Kristusti bahati tut nicukti dima.

PETRUS GI NIGOM 1:25

Noro Allah nihyet jo gingga ba, bit bon ug hon nohonti kan bi.” Nihyet dima ne Nihyet Di Kei di Allah de awak nya itri tut bije ri.

PETRUS GI NICAN 3:10

Noro Tuhan De Njap di nikwei hanyenti dima mittau kep nye kros dem kep nok ninggimang kep mun cig nitausi tirigi tungwatu nya itin ei mem bi. Njap dima ne nibimbi di nok hum di sror mitibim mpe dino mpia-bbed him sar hak bingwig ba, hum miyem ham kin mun nindigsi nya bidem mpia-bbed him hagom bitimek bingwig ba, dihyeisi dini bitut mun di joti nya cem hagom mipror hak.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NINGAT-HI-NGAT NYA 21:1

Gima ngwig leu lene dingat mpia-bbed him di nijep kin dihyei di nijep bu. Mpia-bbed him nitimiei kin dihyei nitimiei hacem pror bitut muk ngeisi cem ba, hagom sar bihigom.

NINGAT-HI-NGAT NYA 21:4

Noni midip tut igyai nggwei hagom bingwig leu yok. Imai cem ingon ngguk cem ipim cem inghuisi wei cem bu bi. Mun di nitimiei nya hagom pror leu su.”