LUKAS 16:10 - ALLAH NIHYET MEM TUNGWATU NYA

¹⁰ No di ningon gom tut mun di nimien ningon gom tut mun di nindig cem. Noro no di ningon gom tut mun di nimien bi lene ningon gom tut mun di nindig cem bi.

LUKAS 16:10 ပူးပေါင်းရင်းမြစ်များ

MATIUS 24:45

“Tou rinok awak di ningon gom ba, ningon ki cem i? Gi hi dima ne no di niceu ndo nok nibou mem awak nindigsi nya leu binhyepo kwas njita tut yok dem igbit jam di noni preu ei su.

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MATIUS 25:23

Lene niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

LUKAS 19:17

Niceu pai binoni ‘Kei bibor! Nani ne awak di ningon gom ri! Midita nani nok nibou mem minu ttou nsi simnai lewo ajoi bibor tut mun di nimien dima.’

YOHANES 12:6

Noni pai nok drek dip gi ngondut nuhui mbum nya bi noro drek dip gi noni nok ninggimang kep mun cig ri. Noni krau mitiei bousi di yo di igya kui Yesus ide ba, ninda ngwa-ngwa wai kep.

YOHANES 13:2

Mmun tu rino Yesus yem njita bit yo di igya kui Noni. Bilis bindei ba, Yudas di Simon Iskariot nipmot kan-kan nyen tut nitri Yesusti.

YOHANES 13:27

Hammi tirigi Yudas krau roti dima rino Bilis coi ug ei ningonti. Lene Yesus pai binoni “Abipbur ba, ayai igbit leu angon kanti hak ug.”

IBRANI 3:2

Yesus pwoi Allah ningon tug hon gi ta nibou ei niyai midyai di Allah ndo biNoniti. Ba, Musa cem pwoi Allah ningon tug hon gi ta nibou ei niyai midyai mem Allah de ig bei nsi nyati.