LUKAS 15:28 - ALLAH NIHYET MEM TUNGWATU NYA

²⁸ Lene mot mighumbou ningon sibui nindig bibor bikou sut gima coi ug ei ig bei. Gima rino nicig hei kwei bibidip huk noni leu binhyepo coi kwei ei ig bei bit noni.

LUKAS 15:28 ပူးပေါင်းရင်းမြစ်များ

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

YEREMIA 35:16

Yo di intun Yonadab him nya ibit ide pung di intun him nicuk yokti noro tut jeni ne jikou sut gima jibit dihyet a.

YUNUS 4:9

Noro Allah buhup “Dem mem gima angon sibui drek dip njita nimeng di mui dima bi.” Leu api Yunus buhup “Dem mem gima dingon sibui bidimai drek dip hak ug!”

MATIUS 20:11

Tirigi itug ndei imuhup nok rino ilua sok tut bak miai ceu,

MARKUS 1:40

Mpe dima ne tungwagom di bras yem kwei ba nibiau bicom mpia ei Yesus nimig him bahara Noni “Andigpoi e, gino ajoi sut ne dikan tut bipia asindem mem gima abindei ba, dikei hanyen.”

LUKAS 13:34

Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

LUKAS 15:2

Noro Farisi nya kin guru Puig Yahudi nicukti nya sindi inso tut bipai “Mei! No dima ya um yo di ikinei-kinau nya biyem njita bit yok!”

LUKAS 15:27

Awak dima buhup ‘Akinjoi kwei hanyen tu. Gima rino acig bui sapi nehen pap lewo nipmot nipumiap ningwes ngun bingkwei hanyen ndam nicig tu.’

LUKAS 15:29

Noro mot dima buhup ‘Dicom dahanggwap dem kep nok ade awak kikau mem ari bingwam mang bibor tu. Mbro nok gino dibon mun tunggwei ahyet bi lo, akwas kambir ningut gom tut da mem dibui bidibon pesta bit disut bat nya bi.

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

LUKAS 5:30

Lene Farisi nya kin guru Puig Yahudi nicukti nya ibou poi inso tut yo di igya kui Yesus bihig ser yok “Nggon rino jiyem njita bit yo di igya tindei belasten di igyem tungwatu nya imuhup kin nikinei-kinau nindigsi nya i?”

LUKAS 7:39

Tirigi Farisi di ngei njita mem Yesus ngat igbit sop dima niyaisi dima lene kan-kan nyen ei ningonti “Gino No dini ne nabi di nijit rin lene Noni kan tut bipia sop di ngget Noni dima ne sop di bon kep sisar ri.”

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

KISAH 13:50

Noro mben Yahudi ikes ingon bak andigpoi di inyeng jei nya ei minu ndig dima kin sindig di inggre kin nimpung di inyeng jei nya di ikuk yok bak Allah cem. Yo dini ikes ingon kanti bak tungwatu nya bibindei ba, ihwen bit Paulus kin Barnabas bijji yok leu ide minu ndig dima.

KISAH 14:19

Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su.

KISAH 14:2

Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya.

ROMA 10:19

Dihig ser je tut mun nyeng gom kin bu. Mben Israel imiap nihyet bi e? Disindui sut Musa nok no di ya bibie ba, buhup mun di dihig ser je tut dima. Musa pai “Allah pai ‘Midiba mben hiter di nok mben di mungkun bi bibindei ba, jibou dut. Midiba mben hi ter di ingon mbum bibindei ba, jigga bibor.’ ”

KORINTUS GI NICAN 5:20

Nyeni niya luei Kristus di cuk nye nohoti tereu nok Allah Nonti sok nihyet ei nye dip bak tungwatu nya. Nitigtai je tug hon Kristus ninyeng leu binhyepo jisindui sut ba, Allah yai jingon kwes kin Noni hanyen.

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!

SAMUEL GI NIGOM 17:28

Daud nikindig di Eliab miap Daud nihyet tirigi mbrap bit tentara pima yok leu api ningon sibui sut bipai binoni “Akwei nggon i? Tou rinyohou ade domba nya ei iggum ndigsi dima i? Dikan tut bipia aba angon di jei bibrim angkek kwei mem gima atou kep nye di nikon pran dini he!”

SAMUEL GI NIGOM 18:8

Saul joi sut ighyet dima bi ba, ningon sibui sut yok nindig bibor lene pai “Yoni ikan bipia Daud yai nimai bak nide siceu nya ibou sribu-ribu simnai noro dani diyai nimai bak ditde siceu nya ibou sribu-ribu gom he e? Mbigom lene yoni mita noni nok nibou ndig di ya luei dohoti!”