LUKAS 15:22 - ALLAH NIHYET MEM TUNGWATU NYA

²² Noro nicig hig nide awak nya kwei bicuk yok ‘Jibipbur ba, juug yai sinsun di nibok kak kwei ba, jijuk ei noniti. Jikes srak mas ei ninda pijumti ba, jikes srop ei nimig jouti.

LUKAS 15:22 ပူးပေါင်းရင်းမြစ်များ

NITRITI 41:42

Lene Firaun juk nide srak mas nimien di cap ninyeng tak kep joti leu ninda pijum bibijuk Yusuf ninda pijum. Lene noni juk sinsun ndok di jei di nggriu-nggrop di nibok kak bibor ei noniti biyai mimau mas bisrou nikimam.

ESTER 3:10

Tirigi Nibou Ndig miap nihyet dima lene pas srak mas di bijuk ninda pijum di bitak buk kep srat nicuk kep nide limwa nyati leu ninda pijum leu api su bak Haman di nok mben Yahudi ide nitok di kinei sut yok bibor.

ESTER 8:2

Nibou ndig pas srak mas pima hanyen leu Haman biyai bak Mordekhai bu. Lene Ester kon Mordekhai ba, ninyeng tak kep ndigban di Haman de nya hagom.

MAZMUR 132:16

Imam nya ei Sion mindo Ditde puig di bindei ba, igyai niteu leu ide sisarti biyok. Timiei minu dima miba ingon di llei bimbos-hi mbos.

MAZMUR 132:9

Abindei ba, Ade imam nya igyai munti nya bit leu nok angon kanti mem yok ba, Ade limwa nya iba ingon di llei bimbos-hi mbos.

MAZMUR 18:33

Noni ne Allah di sindem tut da bibindei ba, mun nyeng hi bigen ser ditde puig bi.

MAZMUR 45:13

Timiei minu ndig Tirus mittei ndigban kwei binjei bak nani. Yo di inyeng nya mibingon mem gima igyai angon kei.

DIUN MIMUN 7:1

“Sop gwam nitta pilei ningat di brim dingon ug o, acom amig tut sandalti kei bibor kei. Andimuhum kruisi dem kep mimau di nikilis kep mun cig bon bou ninda him.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

LUKAS 15:21

Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’

LUKAS 15:23

Juug ba, jijem sapi nehen pap di pap-nap kei bijibui bijibam leu api yahagom ibon pesta kin ingon di llei bibor!

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

GALATIA 3:27

Ba, jahagom jiyai dimigyam tug hon Kristus ninyeng leu api jiba jekep Yesus ningon mien paisi ei jingonti.

EFESUS 6:15

Ma jiba nice tut nibit nihyetti bitri tut Nihyet Di Kei di biyai ningon jo nyahan kin je nok srop di jijuk ser jimig joua.

NINDAT KEP TUHAN NICUKTI NYA 33:25

Iba ngkimom nitu bibon dimbou di itu ei ngug tig di bikrop ttai ide minu nya hagom cem. Leu binhyepo mun di kinei micut igkep yok bi ba, ibong kei igwam kei kikau.”

NINGAT-HI-NGAT NYA 19:8

Noni juk sinsun linen di jimjit.” (Sinsun dima ne Allah de limwa nya igyai munti di kei bibor nya ri.)

NINGAT-HI-NGAT NYA 2:17

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti nya bigyem kep manna di jo nding pima poi mien. Midiyai tig tiei bitut ninyeng nijep di joti bibikwop yo dima yahagom lo, ninyeng dima jo nibreisi mem nindigsi nya bi noro mem no di ma nide tig he.”

NINGAT-HI-NGAT NYA 3:18

Gima rino dipingok jingonti leu binhyema jipek mas di pimbai kei di bindei bijinyeng leu Da. Ma jipek sinsun di tiei kei mem jijuk ser jingat nguti di bindei mmai je. Ma jipek obat mem jibidip jiyai njep leu binhyepo piga hanyen bu.

NINGAT-HI-NGAT NYA 6:11

Leu api Allah yai sinsun ndok di jei di tiei kei ba, bibikwop yahagom leu api kuk yok leu binhyepo ibet ingon mbigom bu bibou isut bat di inok awak mem Allah kin isut bat dima igyai nimai noyam yoni imangti dem ug e.

NINGAT-HI-NGAT NYA 7:9

Gima ngwig leu lene dingat tungwatu ningot ndig krop di idem yam ei ba, bit bon hi kwop imangti kan bi. Yo dini ikwei leu keret nya kin minu nya kin nihyet nya kin mben nya hagom. Ijuk sinsun ndok di jei di tiei kei bikrau dui meng ei indati ba, yahagom igya keyam ei banggo mbrei nuhui bitou kep Domba Pmot Noho bei nggilun.