LUKAS 15:20 - ALLAH NIHYET MEM TUNGWATU NYA

²⁰ Gima rino noni kiju bingkwei hanyen ndam nicigya. Tirigi noni ttau ei minu ting lene nicig ngat igbit noni leu api ngondut bisau bidor um noni ba, nggriou nipmot bimei ningyoi.

LUKAS 15:20 ပူးပေါင်းရင်းမြစ်များ

NITRITI 33:4

Noro Esau dor kwei buum Yakub leu api nggriou noni bimei ningyoi lene yahacem ipim bigyai nggwei kibor.

NITRITI 45:14

Lene noni nggriou nikinjoi Benyamin bipim biniyai nggwei kibor. Lene Benyamin cem nggriou Yusuf bipim biniyai nggwei kibor bu.

NITRITI 46:29

Yusuf bri nide kroba pran buug ei Gosyen lene um nicig ei sirima. Lene noni nggriou nicig bipim ba, niyai nggwei kibor bijo ninno.

SAMUEL GI NICAN 14:33

Gima rino Yoab ug ngat nibou ndig bindat kep Absalom nihyetti hagom binoni. Lene nibou ndig sok nihyet bak Absalom ba, kwei. Lene Absalom kwei kuk no biba ningwak bikik dihyei ei nibou ndig noho bei. Lene nibou ndig pigo Absalom bimei ningyoi.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

YESAYA 49:15

Gima rino tuhan buhup, “Bon gima sop hi ningon prion ser nimunggwom e, he ngondut no di noni srek tut bu bi e? Mbro nok gino sop hi ningon prion ser nimunggwom lo, midingon prion ser je kan bi sren.

YESAYA 57:18

Dingat igyai munti nya tu noro midibindei ba, ikei hanyen. Midikrau inda bidicen yok cem. Dibimpu yok bidigwam ser yo di ingon ngguk nya ingon cem.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

LUKAS 15:19

Dem tut gima ajem da nok apmot bu bi noro abibon da noyam kin ade awak di yai midyai bibiyai nimuhup he.’

LUKAS 15:21

Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

KISAH 20:37

Yo dima yahagom igyai nggwei kibor ba, inggriou noni bindun ninda him cem drek dip ingon di ngguk bibor. Lene ipigo “Acem ambut o!”

EFESUS 2:13

Nipou ne jingat rin ei minu ting leu Allah noro tini bu ne Kristus nimai ei biei salibti bindei ba, jidideu Allah tug hon gi jinok gom kin Kristus Yesus tu.

EFESUS 2:17

Tut gima rino Kristus kwei tri tut Nihyet Di Kei di bindei ba, tungwatu nya igyai ingon di kwes kin Allah bak tungwatu yahagom. Bak je di ngkiai nya di jingat rin ei minu ting leu Noni kin mben Yahudi di ingat rin dideu Noni.