LUKAS 15:2 - ALLAH NIHYET MEM TUNGWATU NYA

² Noro Farisi nya kin guru Puig Yahudi nicukti nya sindi inso tut bipai “Mei! No dima ya um yo di ikinei-kinau nya biyem njita bit yok!”

LUKAS 15:2 ပူးပေါင်းရင်းမြစ်များ

MATIUS 11:19

Tirigi Munggwom Tungwatu Nipmot tau kwei lene Noni yem njita bidut ba anggur ngei cem noro tungwatu nya isrep bipai bu ‘Jingat i! Ninghop bou ba, dut ba anggur ngei nindig bibor lene hig nisut bit yo di igya tindei belasten bigyem jimuhup kin yo di ibon sisar nindigsi nya isut cem.’ Mbro nok gima lo, Allah ndo bindo tut ningon kiti tug hon Nide midyai.”

MATIUS 9:11

Farisi nya ingat yo dima leu api ihig ser yo di igya kui Yesus “Nggon rino jide guru yem njita bit yo di igya tindei belasten di igyem tungwatu nya imuhup kin yo di ibon sisar nindigsi nya i?”

LUKAS 15:3

Gima rino Yesus pai nihyet nibit nindati biyok,

LUKAS 19:7

Tirigi nindigsi ingat gima tu lene yahagom inso tut bipai “Mei! Yesus ug bong bit no di kinei-kinau!”

LUKAS 5:30

Lene Farisi nya kin guru Puig Yahudi nicukti nya ibou poi inso tut yo di igya kui Yesus bihig ser yok “Nggon rino jiyem njita bit yo di igya tindei belasten di igyem tungwatu nya imuhup kin nikinei-kinau nindigsi nya i?”

LUKAS 7:34

Tirigi Munggwom Tungwatu Nipmot ttau kwei lene Noni yem njita bidut ndia ngei cem noro jisrep bijipai ‘Jingat i! Yesus ninghop bou bidut ba anggur ngei nindig bibor cem ba, hig nisut bit yo di igya tindei belasten bigyem tungwatu nya imuhup kin yo di ibon sisar nindigsi nya.’

LUKAS 7:39

Tirigi Farisi di ngei njita mem Yesus ngat igbit sop dima niyaisi dima lene kan-kan nyen ei ningonti “Gino No dini ne nabi di nijit rin lene Noni kan tut bipia sop di ngget Noni dima ne sop di bon kep sisar ri.”

KISAH 11:3

Ipai binoni “Nggon rino aug bong bit yo di igyai midut sunat bi dima ba, ayem njita bit yok i?”

GALATIA 2:12

Leu nipou ne noni yem njita bit ngkiai di ingon jo kep nya noro mpe dino yo di Yakobus cuk yok kwei ikwei krau lene Petrus mbres nonti leu yo di ingon jo kep dima yok leu api yem njita bit yok bu bi. Lewo noni digit tut yo di iwit huk ngkiai nya tut gima igyai midut sunat.

TIMOTIUS GI NIGOM 1:15

Dipaisi dini ne nijit-jau ri. Gima rino ma tungwatu nya ice tut ba, ingon jo kep bipia “Kristus Yesus srek kwei ei dihyeisi dini leu binhyepo teu tungwatu nya leu sisar biyai niyaijo nijep biyok.” Noro tut dani ne dibon sisar nindig bibor dor njiriek nindigsi nya yahagom.