LUKAS 15:18 - ALLAH NIHYET MEM TUNGWATU NYA

¹⁸ Nnaba sikiju bisingkwei hanyen ndam sicig leu api misipai binoni arig e, dibon sisar tut Allah kin nani tu.

LUKAS 15:18 ပူးပေါင်းရင်းမြစ်များ

NIBOHON MBEN ISRAEL GI NICAN 33:19

Manasye de nadi di ngat bak Allah bitut Allah nibuhup hanyenti bak kin nipai jit nide sisar di bon nya nipou tirigi ttin ser sisar di bon bigyo nya kin mpia di mem nikuk no bak kwar eisi di nonti ngot nya kin kwar ngot di nonti tas ei mem kwar Sop Asyera nya kin kwar nindigsi di kuk no bak nya cem nipas kepti hagom jo ei srat Nibohon Nabi Nyati.

MAZMUR 25:11

tuhan e, akos ser ditde sisar bit leu Ade nipreu ei mem dati. Lewo diyai mun tunggweisi nindig bibor.

NIPINGOK NINGONTI 23:13

Ma ahig angon ei ade nisok kep amunggwomti au. Mbro nok gino aba biap tindak bimbas noni lo, mimai sut bi,

YESAYA 63:16

Nani ne nyeni nicig ri. Nyende pung di nintun him di Abraham Yakub nya ikan tut nye bi. Noro Na di tuhan e, anok nyeni nicig ba, ateu nye biningwes ngun habiei ei nimbie him kikau kwei bipek ammani kep.

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

NIBWOS-BWOS NYENTI 3:29

Handei kon ba, yoom nyenti ingon bijo nyahan ba, icut biNoni hak ug leu mpaba tuhan mimpu nye ei nidipti bu e?

NIBWOS-BWOS NYENTI 3:40

Jikwei ba, imbus nyenti ingonti bingat igyai munti nya leu ba, ittin ser ide sisar di ibon tut tuhan Allah ei gwamti.

DANIEL 4:26

Malaikati pima yok icuk tungwatu nya bipia ibet ningwam bijo nijoti. Mumpriem dima ningat rino Allah mita nani ba, anok nibou ndig hanyen bu mpe dino angon hukti bipia Allah Nongkom he rino ninyeng tak kep dihyeisi dini hagom.

YUNUS 2:4

Dikan bipia acom da bihigom leu Aho bei leu api midingat Ade Ig di kwes-kwau bou diyai him bu bi sren ug ri.

YUNUS 3:9

Mpaba Allah miluei ningonti bikes hon ba, ningon sibui sut nye bu bi apino isar bi.”

MATIUS 3:6

Yo dini ipai jit ide sisar leu api noni tur yok ei Minyei Yordanti.

MATIUS 6:14

Gino jikos ser hiter ide mun di igyai tunggwei sut je ne Jicig nyo kug ei gwamti cem mikos ser jide mun di jiyai tunggwei sut Noni.

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

MATIUS 7:11

Mbro nok gino jingkek ndok lo, jingondut jimunggwom bat nya. Jicig ei gwamti ne miyai nok gima hak ri! Nijit ne Noni mingondut yo di yahara Noni.

LUKAS 11:2

Gima rino Yesus buhup “Gino jingat nadi lene ma jipai, ‘Arig e, Nani ne Allah Gom ngat. Handei kon ba, ma tungwatu nya yahagom inggei sut Na tut anyeng di kwes-kwau. Handei kon ba, ma akwei bindei ba, anyeng tak kep dihyeisi dini hagom.

LUKAS 15:17

Jei bi lene noni kan ‘Sicig nide awak nya igyem njita nindig bibor biniken jo noro mbigom simai singgum ei singkiaisi dini!

LUKAS 15:19

Dem tut gima ajem da nok apmot bu bi noro abibon da noyam kin ade awak di yai midyai bibiyai nimuhup he.’

LUKAS 15:21

Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’

LUKAS 18:13

Noro gi hi di ya tindei belasten biyem tungwatu nya imuhup kuk no ei ting leu lene kon nibou bitou kep ginyo kug bi. Noni ttem ningon him bahara ‘Allah e, angondut da lewo dani ne no di bon kep sisar ri!’