LUKAS 15:15 - ALLAH NIHYET MEM TUNGWATU NYA

¹⁵ Gima rino noni ug yai midyai bit timiei gom ei ningkiaisi dima. No dima cuk noni buug hyen kep na nide nya.

LUKAS 15:15 ပူးပေါင်းရင်းမြစ်များ

NIBOHON MBEN ISRAEL GI NICAN 28:22

Mbro nok gino mun di buhun dima bindin Ahas nindig bibor lo, noni bon kep sisar tut tuhan bikum eisi kikau.

NEHEI LEUSI 10:3

Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.

YESAYA 1:5

Nggon rino jaham jimbuk kep Noni ninno tu i? Jijoi sut gima tuhan ba hukum di buhun bibor hi kin bu bihwen je e? Jibou bok-ba lene jingon kinei ba, jibou buwei cem tu.

YESAYA 57:17

Ide sisar nidrui bou ngwakti ribindei dino digga yok a. Gima rino dikes hukum ei yok dip leu api dibikes yok ei cem. Noro ingkek ndok ba, imbus ide puig bit leu yonti ingon kanti.

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YEHEZKIEL 16:52

Gino ibinai ade adig-ajoi nya kin nani lene dem kep nok yoni igyai mun tunggwei hi bi. Suar ammai sut nanti ba, abisrip huk nanti nok nikinei-kinau.”

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

NAHUM 3:6

Midibibon na nok mun di biyai ningkek di henha tut bidiba mumpiang birus na cem leu api tungwatu nya igyai ngkek ttin ser na.

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”

MATIUS 7:6

Ma jiyai mun di Allah nyeng tut nya bak nsien nya au. Lewo yoni mingkwei hanyen ba, yaham je. Nok gima cem ma jiba sriou tiei njep biris na nya au. Lewo yoni mico kep sriou tiei njep dima ug ri.”

LUKAS 15:13

Njap poi kin bu lene mot nipumiap dima tri nide ndigban hagom bingwig bibipek mitiei leu api pwoi hagom bikes nitimieisi ei leu lene mbut tut bihigom. Noni mbut buug ei minu ting bibong ei ningkiaisi. Ei sirima ne noni bimangkrei nide mitiei hagom bingwig ei niyai munti di kinei di srou noni.

LUKAS 15:14

Jei bi tirigi mitiei ngwig leu noni tu lene ninggum nindig bibor nos timiei nya ei minu dima yahagom leu api noni cem nggum bibor.

LUKAS 15:16

Noni nggum bibor ba, joi sut ba njita di na nya igyem boom ninghop. Mbro nok gino noni nggum bibor lo, hi kwas njita tut noni bi.

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.