LUKAS 15:13 - ALLAH NIHYET MEM TUNGWATU NYA

¹³ Njap poi kin bu lene mot nipumiap dima tri nide ndigban hagom bingwig bibipek mitiei leu api pwoi hagom bikes nitimieisi ei leu lene mbut tut bihigom. Noni mbut buug ei minu ting bibong ei ningkiaisi. Ei sirima ne noni bimangkrei nide mitiei hagom bingwig ei niyai munti di kinei di srou noni.

LUKAS 15:13 ပူးပေါင်းရင်းမြစ်များ

MAZMUR 73:27

Jo nibreisi bipia yo di ikes Na ei mitug midut. Mporo abindei sar yo di ingon gom tut Na bi nya.

NIPINGOK NINGONTI 18:9

No di nghen noyam kin ninggek kep mun cig.

NIPINGOK NINGONTI 21:17

No di ba noho rok ningut kanti nya kin anggur ngei kin njita ninyeng hagom minyeng tut ndigban kin mitiei bi sren.

NIPINGOK NINGONTI 21:20

Yo di ingon ki nya inyeng tut ndigban ba, ibong kei igwam kei noro yo di ingon tindur nya itri ide mitiei bingwig leu yok hammi tirigi itug ndei imuhup.

NIPINGOK NINGONTI 27:8

No di mbut minu ting leu nitimieisi rinoyam kin ha di dimba minu ting leu nibasa.

NIPINGOK NINGONTI 28:7

Pinjoi pilei nya di ibit nikei de nikos tutti nya ingon ki noro pinjoi pilei nya di ihig isut bit nikinei-kinau nya ibindei ba, icig-ipmem nya immai sut yok.

NIPINGOK NINGONTI 29:3

No di ta nibou ei niyai ningon kiti bindei ba, nicig-nipmem nya inggei sut noni. No di cem kep sundal nya bindei ba, mitiei ngwig leu noni.

NIPINGOK NINGONTI 6:26

Bon tungwagom yai mitiei di nibok dem njita den gom bak sop di krar igkei leu api yem njita tut noni lene dem. Noro nicut tut hiter nitnem ne mibindei ba, suar ba nonti niyaisi bigo.

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 22:13

Noro jigiyai gima bi. Mpe dima lene jingon llei-lau ba, jibon pesta bit yam. Jibui sapi kin domba nok mikwau bijiyem bijidut ba anggur ningei cem. Jibijem biyam “Jikwei bigyem njita bidut ndia ngei cem lewo njap ne imai ug rin o!

YESAYA 30:11

Ma jitti bileu ba, jikak puig hiter leu. Ma jiba mben Israel ide Allah di kwes-kwau bindin nye bu au.”

YESAYA 56:12

Nibou ngwak sibui sut pes cig dima yok ipai ‘Jikwei bidut ba anggur ngei bindei nye kei ug e! Mun di igyai mem njap di hyep mikei dor njiriek mun di igyai mem njap di ammani!’ ”

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

YEREMIA 2:5

Noni pai, “Jidigup bat-jidigai bat nya ingat Ditde mun di diyai tunggwei hi di bindei dino yaham imbuk kep Da nya rimindei ngan i? Ikuk yok bak kwar di bon ninyeng bi di bindei ba, yonti cem ibon inyeng bi.

MIKHA 6:3

tuhan pai “Ditde limwa jen, dibon mun tunggwei sut je notou i? Notou dikes mun di buhun ei jinghat dip i? Ma jibuhup dihyet hak ug!

LUKAS 15:12

Mot nipumiap bidip huk nicig bipai ‘Arig e, ma akwas ndigban di niba nyekep ei nidipti bu igdo hi tut da nogindini.’ Gima rino nicig kwas ndigban dima hagom tut nipmot bat cin.

LUKAS 15:14

Jei bi tirigi mitiei ngwig leu noni tu lene ninggum nindig bibor nos timiei nya ei minu dima yahagom leu api noni cem nggum bibor.

LUKAS 15:30

Noro apmot nipumiap dima bimangkrei ade ndigban bingwig bit sop sundal nya noro tirigi noni ngkwei hanyen lene abui sapi nehen pap kep nikweisi!’

LUKAS 16:1

Yesus pai bak yo di igya kui Noni “Mpe di gom ne andigpoi di nyeng bibor ta tungwagom nok mindor mem nide awak nya. Mindor dima nyohou mun di niceu nyeng tut nya hagom. Mpe di gom lene hi pui kep awak dima ninghapti bak andigpoi tut mitiei di noni bimangkrei.

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

EFESUS 2:13

Nipou ne jingat rin ei minu ting leu Allah noro tini bu ne Kristus nimai ei biei salibti bindei ba, jidideu Allah tug hon gi jinok gom kin Kristus Yesus tu.

EFESUS 2:17

Tut gima rino Kristus kwei tri tut Nihyet Di Kei di bindei ba, tungwatu nya igyai ingon di kwes kin Allah bak tungwatu yahagom. Bak je di ngkiai nya di jingat rin ei minu ting leu Noni kin mben Yahudi di ingat rin dideu Noni.

PETRUS GI NICAN 2:13

Yoni mitug ndei ninghuisi wei drek dip ninghuisi wei di ibindei dino cut igkep yo di hiter. Ingon llei sut gi ibon mun bit leu ingut kanti di kinei di srou yok bou tungwatu nya igyai him. Yo dini ibinim kep je bibindei ba, jiyai ngkek ttin yok ei mpe dino iba inyeng can biyem njita bit je.