LUKAS 14:7 - ALLAH NIHYET MEM TUNGWATU NYA

⁷ Mpe dima lene yo di nibou ig bei cigit yok kui ig pima ibou poi igya bibie leu nindigsi nya. Yesus tou kep yok leu api pai nihyet nibiti nindati gom biyok.

LUKAS 14:7 ပူးပေါင်းရင်းမြစ်များ

NIPINGOK NINGONTI 25:7

Gino hi cigit na ba, akui ug ei mpia di noni bet ei mem no di ninyeng jei lene gima kei bibor dor njiriek gima hi cuk na ba, akes mpia di agwamti bak no di ninyeng jei njiriek na.

NIPINGOK NINGONTI 8:1

Jimiap e, ningon kiti tri tut nihyet ba, nintin kimboti nihyet tibim kwei ei jitingou nsi.

YEHEZKIEL 17:2

“Na di tungwatu di ayaijo kikau bi e, ma apui sut nihyet nibiti nindati,

MATIUS 13:34

Yesus ba nihyet nibiti nindati he bingginau tungwatu nya tut mun nyeng hagom.

MATIUS 23:6

igwam bibie mem njita di tungwatu nya ingei ei pestati lene igwam bilen dip kui nimbar ei jide ig mbusyameisi ba,

LUKAS 11:43

Aye! Buhun bibor mem je di Farisi nya! Lewo jibisau bijigwam bilen dip kui nimbar ei jide ig mbusyameisi ba, jingon llei sut gino tungwatu nya ibou cut bije ei biyati.

LUKAS 20:46

“Jingon sok kep jenti tut guru Puig Yahudi nicukti nya lewo ijuk sinsun ndok di jei ba, ijoi sut tungwatu nya ipigo yok ei biyati. Igwam bilen dip kui nimbar ei jide ig mbusyameisi bigwam bibie mem pesta di tungwatu nya ibon cem.

FILIPI 2:3

Ma jiyai munti nya ntun jingon di jei him ba, jibindei mbut ninyeng mangti di tug hon jenti kin jingon di jei au. Noro ma jiba jibou coi mem yam ba, jibibon hiter ningon sren dor njiriek je.

YOHANES GI NININGAI 1:9

Dipas kep srat cun ningat gom bidipinak hwou ndam ade mbusyamei tu noro Diotrefes di ningon pri kep ninyeng nibou mbusyamei kou sut ditde nipingok noti.

NIJAM NIKEI NYA 14:12

Lene Simson pai biyok “Gino jibuhup nihyet nibiti ninda dini igbit mem njap muhwindacan nipou tirigi igyem pesta bingwig bigyo lene midiyai minyahas linen di dia-diau kei gom kin sinsun nimig-ninda gom ba, dibikwop jahagom.