LUKAS 14:27 - ALLAH NIHYET MEM TUNGWATU NYA

²⁷ No di kon nide biei salib bibit Da bi dem tut gima ya kui Da bi.

LUKAS 14:27 ပူးပေါင်းရင်းမြစ်များ

MATIUS 10:38

No di kon nide biei salib bibit Da bi ne noni dem mem gima ya kui Da bi.

MATIUS 13:21

Noro nihyet com nigau ug ei ingonti bi apino ingon nddong bi. Tirigi mun di kinei cut igkep yok ba, hiter hwen bit yok drek dip nihyet lene jei bi ingkwei hanyen.

MARKUS 10:21

Yesus tou kep noni nggilun bingondut lene pai binoni “Atunggwei sut mun nyeng gom ngat he. Ma atri ade ndigban hagom ba, abipek mitiei leu api akwas hagom tut yo di yuhui mbum nya leu binhyepo abikum ei ade mun di keiti mem nanti ei gwamti. Ayai gima bidem leu api akwei bit Da.”

MARKUS 15:21

Imbut biyuum Simon leu minu ndig Kirene tirigi noni jo leu ngoi dumti kwei. Ikat noni bikes Yesus de biei salib ei ninghat dip bittei. (Simon nitimieisi leu minu ndig Kirene ba, nipmot bat cin inyeng rino Aleksander kin Rufus.)

LUKAS 14:28

Gino jigom tin ei mem ngot ig di bon ninggre bijo-jo yam dip anai bibor lene suar noni kan-kan nyen tut nibok nipou ug e. Leu binhyepo kwop mitiei bikan tut lo, nimangti dem mem gima ngot ig dima.

YOHANES 19:17

Yesus hei ug ei ngug sai bittei Nide biei salib buug sut ei mpia ttou nsi di ijem ninyeng Gumihyep Nimbiam Bou. (Iba nihyet Ibrani bijem ninyeng Golgota.)

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

2 TIMOTIUS GI NICAN 3:12

Jo nibreisi bipia yo di ijoi sut gima igyai mun bit leu Allah ningon kanti mem yok ba, inok gom kin Kristus Yesus cem migyai ninghuisi wei leu yo di ihwen bit yok lo,