LUKAS 14:26 - ALLAH NIHYET MEM TUNGWATU NYA

²⁶ “No di joi sut bit Da noro ningon ngakei nicig kin nipmem kin nitnem kin nimunggwom bat nya kin nikindig bat-nikinjoi bat nya kin nikwohop bat nya nindig dor njiriek ningon ngakei Dati binyohou nonti niyaisi lene bit bon Noni ya kui Da kan bi.

LUKAS 14:26 ပူးပေါင်းရင်းမြစ်များ

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

YOHANES 12:25

Bikwop no di ningon hek tut nonti bikan bipia niyaisi bon ninyeng mem nonti lene niyaisi misar. Noro no di kes niyaisi ei bikan bipia bon ninyeng mem nonti bi lene no dima minyohou niyaijo di jo kikau.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.

NINDAT KEP TUHAN NICUKTI NYA 33:9

Yoni ingon gom tut Nani nindig bibor leu gima ingon gom tut icig bat-ipmem bat nya kin ikindig bat-ikinjoi bat nya kin imunggwom bat nya yahagom. Yoni ibit acuk yokti nya ba, ingon gom tut mun po apreu ei mem yok pima.

ROMA 9:13

Bit leu Allah Nihyet pai bipia Allah pai “Dijoi sut Yakub noro dikou sut Esau.”

NINDAT KEP TUHAN NICUKTI NYA 21:15

“Gini ne nicukti mem tungwagom di wak nitnem ibou can ri. Ba, yahacem isrek tut munggwom pinai noro nitnem gi hi di ningon him ngi-ngat bi srek tut nipmot mighumbou.

LUKAS 14:25

Mpe di gom bu tirigi tungwatu nya ningot ndig ijop bram Yesus lene Noni kiek No ndam yok bipai,

MBEN ISRAEL IMBUT-MBUT NYEN 10:30

Noro Hobab buhup bak “Dipai sigyo, noro dingkwei hanyen ug ei ditimieisi hanyen bu ug ri.”

MAZMUR 139:22

Dingon mpo tut yok nindig bibor. Dibibon yok nok siceu nya.

LUKAS 14:20

Hiter pai bak ‘Sindi diwak sop nok ditnem. Gima rino dihwou yem njita bit andigpoi bi.’