LUKAS 14:21 - ALLAH NIHYET MEM TUNGWATU NYA

²¹ Awak dima ngkwei hanyen bindat igbit yo dima yahagom ighyet bak niceu lene ningon sibui sut yok nindig bibor bicuk nide awak bipai ‘Abipbur ba, aug buwak yo di yuhui mbum nya kin nikinei-kinau nya kin yo di igyai tu nya kin yo di imig lit nya yahagom kwei leu biyati cem leu simpakti cem bidem minu ndig dini.’

LUKAS 14:21 ပူးပေါင်းရင်းမြစ်များ

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 38:7

Dindun bou bidinghim koi sut. Digwam bidimmou ba, dingon cem ngguk ei njap jei.

YESAYA 33:23

Noro tut kibar minyei pima ne nimbumbati nya bon ninyeng ba, bit bon timiei kibar nsi nya itas sriwir nya kan bi! Nyeni mipos ndigban hagom bingwig leu ide siceu tentara ngkiai nya leu api mikwas tut yam. Ba, yo di imig lit nya cem ima ndrim hi mem yonti lewo ndigban dima ne ndigban di nindig bibor ri.

YESAYA 35:6

Yo di imig lit mipri-pri nyen cem noyam kin rusa ba, mibbwe nya iba ingon di llei bibor bimbos-hi-mbos. Lewo ei mpe dima lene minyei nya biam-biam nyen ei iggum ndigsi ba, minyei pmem biam ei iggum ndigsi.

YEREMIA 5:1

Je di timiei minu ndig Yerusalem e, jijop jide puig ngot ei jide minu ndig ba, jingig jiyai kep bidem bijingat bou jiyai him. Jingig jiyai kep bidem puig mien di jo bidem jide minu ndig bijingat tungwagom di ningon sren di brim ningkek mem Allah biningon gom tut Noni bou jiyai him e? Gino tungwagom ningat rin lene tuhan mikos ser timiei minu ndig Yerusalem nya ide sisar.

ZAKHARIA 11:11

Diyai nok gima ei njap dima hak. Leu api nitri-nipek domba cig dima yok ingig igyai kep da bingon huk niti bipia tuhan no mbrap kep tug hon ditde nibon munti nya.

ZAKHARIA 11:7

Gima rino dibon danti bidinok gembala drek dip nitri-nipek domba cig nya di itin ei mem gima ikos nya leu api dibon tom can. Dijem tom gom ninyeng ‘Nisingat tutti’ lene dijem tom gom ninyeng ‘Nibicom yamti.’ Leu api dikinyon ei niya serti bidinyohou domba dima yok.

MATIUS 11:28

Je di jinghuisi jet kin je di jibiang mun di buhun e, ma jikwei hara Da leu api midiyai jingon nggan hanyen.

MATIUS 11:5

Lewo yo di igyai tu nya igyai da hanyen. Yo di imig lit nya imbut imig hanyen. Yo di bras yem yok nya ikei hanyen. Yo di itingou nam nya itingou tu hanyen. Yo di imai nya igyaijo hanyen bu ba, Allah Nihyet Di Kei tibim ei yo di ihwap mbum nya itingou nsi tu.”

MATIUS 15:12

Yo di igya kui Yesus ikwei pai biNoni “Akan tut gino ahyet dima sibui Farisi nya ingonti bi e?”

MATIUS 18:31

Tirigi awak nindigsi nya ingat mun di cut igkep no dima bou igyai him lene ingon buhun leu api yuug ngat nibou ndig bimbot kep tut bak.

MATIUS 20:7

Ibuhup ‘Lewo hi ndo midyai di niyai binye bi.’ Miai ceu dima cuk yok ‘Jeni cem ma juug yai midyai ei ditde ba anggur nghousi.’

LUKAS 14:13

Gima rino tirigi abon pesta lene ma ahig yo di yuhui mbum nya kin nikinei-kinau nya kin yo di imig lit nya kin yo di igyai tu nya kwei.

LUKAS 14:20

Hiter pai bak ‘Sindi diwak sop nok ditnem. Gima rino dihwou yem njita bit andigpoi bi.’

LUKAS 14:22

Jei bi lene awak dima kwei hanyen bitri tut bak niceu bipai ‘Diyai hagom bit leu nok acuk dati tu noro ig bon ningwakti mem hi kin bu.’

LUKAS 14:24

Dipai bina bipia yo po ditri tut pesta di dibon mem yok biyok pima migyem njita dini bit nye bi sren!’ ”

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

LUKAS 9:10

Yo di igya kui Yesus ingkwei hanyen bipui sut mun di ibibon hagom bak Noni. Noni buwak yok biyuug ei minu ndig Betsaida biyongkom.

YOHANES 9:39

Lene Yesus tri tut “Dijuk kwei ei dihyeisi dini nok Nikei di mbus tungwatu nya ingonti leu binhyepo yo di igyai tu nya igyai da hanyen lo, yo di igyai da nya igyai tu hanyen.”

IBRANI 13:17

Ma jibit jide nibou nya ide nicuk jeti nya ba, jibou cut biyok. Yoni inyohou jingonti bikwop mmun-njap lewo suar ibuhup hanyen bak Allah drek dip igyai munti nya. Gino jibit ighyet lene yoni miba ingon di llei biyai midyai nya. Gi bi lene iba ingon di buhun binyohou jingonti apino gima bindei bijiyai mun di kei nya hi bi.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

NINGAT-HI-NGAT NYA 19:15

Singau simeda di nggwen bibor ntun nuhui him. Noni ba singau simeda dima bicut Nide siceu nya leu api ninyeng tak kep yok kin tom ngkimom nitu. Noni mikimut ba anggur ngat ei bak di ikimut ba anggur ngei eisi di bindo tut Allah Di Sindem Bibor nigga biborti.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

SAMUEL GI NIGOM 2:8

Noni kon yo di yuhui mbum nya leu mun di bindei ba, ingon buhun. Noni brim yo di indwau nya leu mun di cut igkep yok leu api bindei ba, ihig isut bit yo di inyeng jei nya leu api igyai inyeng di jei apino hiter inggei sut yok. tuhan ninyeng tak kep cou pmem ei dihyei nikiou nya leu api pai tes mun di jo ei ninjek dip eisi.

SAMUEL GI NIGOM 25:12

Buhup nok gima lo bi lene pinai pilei di Daud sok nihyet ei yok dip nya ingkwei hanyen bikwei ngat Daud bingon Nabal nihyetti nya hanyen bak.