LUKAS 14:13 - ALLAH NIHYET MEM TUNGWATU NYA

¹³ Gima rino tirigi abon pesta lene ma ahig yo di yuhui mbum nya kin nikinei-kinau nya kin yo di imig lit nya kin yo di igyai tu nya kwei.

LUKAS 14:13 ပူးပေါင်းရင်းမြစ်များ

LUKAS 14:21

Awak dima ngkwei hanyen bindat igbit yo dima yahagom ighyet bak niceu lene ningon sibui sut yok nindig bibor bicuk nide awak bipai ‘Abipbur ba, aug buwak yo di yuhui mbum nya kin nikinei-kinau nya kin yo di igyai tu nya kin yo di imig lit nya yahagom kwei leu biyati cem leu simpakti cem bidem minu ndig dini.’

YESAYA 58:10

jikwas njita tut yo di inggum nya bijimpu yo di yuhui mbum nya leu api midibindei ba, nidinditi di nggai kep je minok mpia huk pijumti di nipigati com kei.

NIPINGOK NINGONTI 14:31

No di ngondut nuhui mbum nya kuk no bak Allah noro no di hwen bit nuhui mbum nya nihyet tigut Allah di pai tes yok nya.

YESAYA 58:7

Ma jikwas njita hi tut yo di inggum nya bijicigit yo di ibong lis kui jide igya. Ma jiyai sinsun bak yo di inyeng tut sinsun hi bi nya bijingkek ndok tut jide bat nya au.

IBRANI 13:2

Ma jiba jikou bicigit ngkiai nya kui ig au. Tug hon nisinati dima lene bihi iba ningon di hukti bi bicigit malaikati nya kui ig tu.

NEHEMIA 8:10

Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

MATIUS 22:10

Gima rino nide awak nya yuug nggok ser tungwatu nya ei simpakti bitut yo di ingon sren nya kin yo di isibut nya binduk yahagom kwei. Apino nghim nsi di igyem njita di ingei kep pesta niwak yamti mpung kei tut yok.

NINDAT KEP TUHAN NICUKTI NYA 16:14

Ma jingon nggei-hi-nggei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 14:29

Njita dima mem keret Lewi lewo yoni ima dihyei hanjop nsi hi bou yok nok ide bi. Lene hi mem yo di yuhui mbum di ibong ei jide minu ndig nya kin munggwom moibihi nya kin kibom nya kin ngkiai di ibong timiei bit je cem yahagom. Ma jisindui sut yoni ba, ikwei yai mun nyeng hagom di isuar nya. Suar jibit nicuk jeti dima leu api jide tuhan Allah minjei mun di kei bak jeni tut jide midyai di jiyai nya hagom.”

TIMOTIUS GI NIGOM 3:2

Suar nibou mbusyamei ningon sren ba, bit bon hi pai noni kinei kan bi. Suar noni wak sop gom ngat he ba, om kep ningon kan. Suar ningon nddong ba, nyohou dimig niyaijoti cem. Ma noni cigit ngkiai nya kui ig ba, ningon dorti tut ningginau tungwatuti cem.

AYUB 29:13

Yo di ingon buhun bibor cem inggei sut da tut diyai munti nya. Kibom nya cem ibong kei igwam kei lewo dimpu kep yoni cem.

NEHEMIA 8:12

Gima rino yahagom ingkwei hanyen ug ei ide ig. Iba ingon di llei bibor bon pesta bidut anggur ningei cem leu api ibingondut yo di hiter lewo ingon dorti tut Srat Nicukti di tibim ei itingou nsi tu.

NIBOHON MBEN ISRAEL GI NICAN 30:24

Nibou Ndig Hizkia njei sapi nikre ningut sribu gom kin domba ningut sribu muhwindacan mikuisi bak yoni. Lene yo di igya kui noni injei sapi nikre ningut sribu gom kin domba ningut sribu simnai mikuisi bak yoni bu. Leu binhyepo limwa nya ibui nok mikwau bigyem. Lene imam nya imang bibor ibindei pwoi yonti.

SAMUEL GI NICAN 6:19

Leu api noni kwas njita tut yahagom. Noni yai mikwau di noni bam ei su ninggriet gom kin roti nindak gom kin roti nyop di biei ngat kismis joti nindak gom ba, ba gima bikwop pinai nya kin sop nya yahagom. Lene yahagom ingkwei hanyen ug ei ide ig.

TITUS 1:8

Suar noni cigit tungwatu nya kui ig cem ta nibou ei mun di kei nyati cem om kep ningon cem ningon sren cem ningon kwes kin Allah cem yai mun di hagom mmuti cem.

FILEMON 1:7

Disut na, ade ningon ngakei Allah de limwa nyati biyai dingon di llei lene biwin kep dingonti cem. Abindei ba, Allah de limwa nya yahagom ingon llei bibor.

KISAH 9:39

Petrus kiju bibit yok hak. Tirigi noni kwei krau minu ndig Yope lene yo dima ibuwak noni ug ei nghim nsi di jo anai ei ig di jo-jo yam dip dima. Lene sop kibom nya di ingat rin ei mpia dima inggreu kep noni bipim kep nimai cem ba, indo sinsun ninda kin sinsun dut di jei di Dorkas nap di bitri tungwatu nya tirigi niyaisi jo yo bak Petrus.

LUKAS 11:41

Suar jikwas mun di jo ei jide mokti kin jide denti tut yo di yuhui mbum nya. Tug hon nisinati dima lene map kui mun di jinyeng tut nya hagom bi.

NIPINGOK NINGONTI 22:9

tuhan njei ningat di kei bak no di ngondut hiter drek dip gi po kwas nide ningat di kei tut no di nimati dem bi pima.

MATIUS 15:30

Tungwatu ningot ndig induk yam kwei kep Noni ba, ibuwak yo di imig lit kin yo di igyai tu kin yo di imig-inda hom kin mibbwe nya kin yo di inggwen nindigsi nya yahagom kwei bikes yok ei Yesus nimig him leu api Noni bindei ba, ikei hanyen.

LUKAS 14:12

Lene Yesus pai bak nibou ig bei “Tirigi anduk tungwatu nya kwei bibit pesta bit na mem njap cem mem mmun cem lene ma anduk asut bat nya kin akindig bat-akinjoi bat nya kin ade bat nya kin yo di anttig-tta nya di inyeng nya au. Lewo jei bi lene yoni miba nibon pestati bibirop hanyen bina ba, amuhup ttau bina drek dip.

LUKAS 14:14

Leu api Allah minjei mun di kei bina drek dip. Lewo bit bon yo dima ibirop hanyen bina kan bi. Noro Allah mibirop hanyen bina mpe dino Noni win yo di ingon sren nya bikiju hanyen leu imai eisi.”