LUKAS 14:11 - ALLAH NIHYET MEM TUNGWATU NYA

¹¹ Lewo Allah moom kep no di bisau sut ninyeng jei noro Noni mikon bikwop no di om kep ningonti ninyenga.”

LUKAS 14:11 ပူးပေါင်းရင်းမြစ်များ

SAMUEL GI NICAN 22:28

Ateu yo di yoom kep ingonti bingwes ngun noro acut yo di ingon jei nya.

ESTER 6:10

Lene nibou ndig cuk Haman “Ma abipbur ba, aug yai sinsun kin kuda dima kwei leu binhyepo abikon Mordekhai di mben Yahudi ninyeng a. Abibon bidem igbit apaisi di aponi pima hagom bak. Ma acut gom leu cem au. Aug um noni ei dimbou hui ei ditde ig him dini lewo no gwam ei mpia dima bit leu niyai kepti.”

AYUB 22:29

tuhan cut yo di ikon yonti inyeng noro teu yo di iba ibou coi mem yam bingwes ngun.

MAZMUR 138:6

Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

MAZMUR 18:27

Ando tut angon di kwes-kwau bak yo di ingon kwes nya. Noro aba nitok bak yo di isibut nya.

NIPINGOK NINGONTI 15:33

Nikuk nye bak tuhanti ne nitriti mem mun di ipikor eisi hagom ri. Suar aba abou coi mem tungwatu nya bibie ug e leu api yoni minggei sut na.

NIPINGOK NINGONTI 18:12

Yo di illei-lau nya micut. Tungwatu nya inggei sut no di ba nibou coi mem yok.

NIPINGOK NINGONTI 25:27

Niyem ahwei lon ngei di nindig bibor mipijuk ansi ba, anggwen. Niyok ningon mem gima tungwatu nya inggei sut nati cem kei mem bi.

NIPINGOK NINGONTI 29:23

Yo di illei-lau micut noro tungwatu nya mikon no di ba nibou coi mem yok ninyeng.

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

MATIUS 23:12

Lewo Allah om kep no di yok ningon mem ninyeng di jei noro kon bikwop no di om kep ningonti ninyenga.

LUKAS 1:51

Noni ba ninda di sindem bidri yo di ingon jei nya bintek gimahap ningwig ba, binggek tut ide nikos tutti nya hagom cem.

LUKAS 1:52

Noni njei nibou ndig nya leu ide banggo dip leu api kon yo di tungwatu nya ingwes pri gau yok binyeng jei.

LUKAS 14:12

Lene Yesus pai bak nibou ig bei “Tirigi anduk tungwatu nya kwei bibit pesta bit na mem njap cem mem mmun cem lene ma anduk asut bat nya kin akindig bat-akinjoi bat nya kin ade bat nya kin yo di anttig-tta nya di inyeng nya au. Lewo jei bi lene yoni miba nibon pestati bibirop hanyen bina ba, amuhup ttau bina drek dip.

LUKAS 18:14

Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

YAKOBUS 1:9

Ma no di Kresten di nuhwap mbum ningon llei gino Allah bindei ba, ninyeng jei.

YAKOBUS 4:10

Suar jiba jibou coi mem Allah leu api Noni mikon jinyeng.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”

PETRUS GI NIGOM 5:6

Gima rino ma jikuk je nyahan bak Allah ba, ninyeng tak kep je leu api Noni mikon jinyeng dem igbit tto bou.

SAMUEL GI NIGOM 15:17

Lene Samuel pai binoni “Mbro nok gino na di Andigpoi akan bipia abon anyeng bi lo, nani ne nibou mem keret mben Israel hagom rin lewo Allah ta nani ba, anok nibou ndig.