LUKAS 13:34 - ALLAH NIHYET MEM TUNGWATU NYA

³⁴ Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

LUKAS 13:34 ပူးပေါင်းရင်းမြစ်များ

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

MAZMUR 17:8

Anyohou da dem kep nok anyohou Nanti ayai njep. Aku da nyahan ei anyehei behei,

MAZMUR 36:7

Ade nisingatti kui sur nungug dip ba, Ade ningon sren-srausi jut bibor bidem muk ndigsi nijutti. tuhan e, anyohou tungwatu kin mindhe-ndhe nya.

MAZMUR 57:1

Doia Daud mem no di bie tut doia nimpung ba, ibrim leu doia Asindui Sut Hi Bindei Timek Dani Au. Daud ba doia dini bikiek mpe dino noni nang bicoi ug ei hak mihyeti boom no leu Saul.

MAZMUR 81:13

Gima rino disindui sut di ingkek ndok ug a. Nnaba, ibit yonti ingon kanti hak ug.

MAZMUR 91:4

Noni nyohou na dem kep nok ha di kieng ninyehei gau nimien bat nya leu binhyepo angwes ngun ba, angon jo nyahan. Noni ba ningon gomti biya srak ko hagau na binok bor ngug mem na cem,

YESAYA 30:15

tuhan di nok mben Israel ide Allah Di Ninyeng Jei Bibor di kwes-kwau pai bak nide limwa nya “Ma jittin ser jide sisar ba, jiba jibou coi mem Da leu api miditeu je leu sisar. Ma jiba jingon di jo nyahan bicom Da leu api midibindei ba, jisindem bibor.” Noro jikou sut nihyet dima!

YESAYA 50:2

Nggon rino Ditde limwa hi buhup dihyet tirigi po dikwei hig yok pima bi i? Nggon rino inghek Da ba, ikan bipia disindem mem gima dikwek yok biditeu yok ba, ingwes ngun bi i? Ningat ne disindem mem gima diba dicukti bindei ba, muk ndigsi sri bipingge bingwig ba, minyei nya cem pingge bingwig dem kep nok iggum ndigsi ba, wau di joti nya hagom mai bimpiei bibor.

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 26:23

Ibuwak noni hanyen kwei leu api Nibou Ndig Yoyakim bindei ba, tungwatu nya igyai nimai binoni leu api icom ningut ug ei yo di indwau nya ijui dip.

YEREMIA 35:14

Yonadab ggai ser nide nintun him yamti di bram yam nya tut anggur ngei ba, idut bi. Ibit niggai serti dima ba, hi leu ikieti gidut ba anggur ngei bi sren kikau bipek njap di ammani kep. Noro tut jeni ne mbro nok gino disok kep je bijo kikau lo, jigimiap dihyet bi.

YEREMIA 35:17

Gima rino Da di tuhan Di Disindem Bibor di Allah Israel midikes mun di buhun hagom di ditin ei dingon kanti tut nya ei je di timiei Yehuda kin minu ndig Yerusalem nya dip bit leu nok gi dipai ei su. Dibon nok gima lewo jigimiap dihyet mpe dino dimbrap bit je ba, jibuhup dihyet mpe di dihig je cem bi.”

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

NIBWOS-BWOS NYENTI 1:16

Gima rino bindei di diyai nggwei kibor didiyam lo, hi di kwei gwam ser dingon ba, yai ningon lleisi bida bi o! Siceu inyeng tak kep ditde timiei nya apino ide mun di imati hagom pror bingwig leu yok o!

NIBWOS-BWOS NYENTI 4:13

Noro mun dima cut igkep yok drek dip imam nya kin nabi nya ide sisar o! Lewo yoni isiber yo di ingon ngun nya inggrom tu o!

HOSEA 11:2

Noro tirigi dihig kikep yok ninyen lene ibimbut ninna leu Da leu api imbres yonti leu Da bikum eisi bu. Ditde limwa nya indig mindhe-ndhe ei nimbar hum dokti bak Baal bindig biei nggrai di ui-gwang kei bak kwar nya.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

ZAKHARIA 1:4

Ma jiyai kep jidigup bat-jidigai bat di nipou nya igyai kepti nya au. Nipou yo ne nabi nya itri tut dihyet bak yoni leu binhyepo imbuk bibor bibon sisar bu au. Noro igimiap kep dihyet ba, ice tut bibit bi.

MATIUS 22:3

Noni sok nihyet ei nide awak nya dip bak nisut bat di sok nihyet mem yok nipou su nya noro yahagom ikou bikwei bi.

MATIUS 22:6

Ba, nindigsi nya ikat awak nya bibui yok ba, ikimukep yok cem.

LUKAS 15:28

Lene mot mighumbou ningon sibui nindig bibor bikou sut gima coi ug ei ig bei. Gima rino nicig hei kwei bibidip huk noni leu binhyepo coi kwei ei ig bei bit noni.

LUKAS 19:44

Yoni minggek jide ig hagom bitut timiei nya yahagom bingwig. Yoni mibindei timek je bitut timiei nya yahagom. Tig di jo-jo yam dip mijo bu bi lewo jingon hukti tut nituti di Allah kwei mem gima teu je bijingwes ngun bi!”

LUKAS 23:28

Noro Yesus kiek No kep yok bipai biyok “Sop Yerusalem jen! Ma jipim tut Da au. Ma jipim tut jenti kin jimunggwom bat nya.

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

KISAH 7:59

Iba tig bihwen Stefanus ninno lene noni hara “Tuhan Yesus e, ayai dinnei leu hak ug.”

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

NINDAT KEP TUHAN NICUKTI NYA 32:29

Mun di bindei dino icut bak ide siceu nya jo nibreisi mem yok bi. Ingon kiowi tut mun di cut igkep yok tu.

NINDAT KEP TUHAN NICUKTI NYA 5:29

Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.

NINGAT-HI-NGAT NYA 11:8

imai leu api ingut mijo sinsiou kak simpak ei minu ndig di ide Tuhan mai ei biei salibti nipou su. Minu ndig dima ninyeng nibiti nindati ne minu ndig Sodom kin Mesir.

SRAT RUT 2:12

Handei kon ba, tuhan di nye di mben Israel nikuk nye bak miba mun di kei bibor bibirop hanyen bina tut ayai munti nya hagom lewo akwei gwam coi Noni tu!”