LUKAS 13:21 - ALLAH NIHYET MEM TUNGWATU NYA

²¹ Diba sop gom binai kin nihyet nibiti nindati dini. Sop gom yai roti ninjep bibiwir tepun tong mien gom apino dwoi binindig.”

LUKAS 13:21 ပူးပေါင်းရင်းမြစ်များ

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

MATIUS 13:33

Yesus ba nihyet nibiti nindati bingginau yok mbigom kin bu bipai “Allah Ninyeng Tak Kepti rinok sop gom di yai roti ninjep ba, biwir tepun ei tong mien gomti apino dwoi binindig.”

LUKAS 13:20

Lene Noni hig ser yok bu “Diba mindei bidibinai sut Allah ninyeng tak kepti i?

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

KORINTUS GI NIGOM 5:6

Dem tut gima jingon jei sut jenti bi. Jikan tut nihyet nibiti ninda “Roti ninjep di bigbibor bindei ba, tepun hagom dwoi bibor binindig.”

FILIPI 1:6

Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

YAKOBUS 1:21

Gima rino ma jicom mun di biyai jingon rom kin mun di kinei di rap je nya. Ma jiba jibou coi sut Allah kin nihyet di Noni ndim ei jingonti lewo nihyet dima sindem mem gima teu je leu sisar biyai niyaijo nijep bije.