LUKAS 12:47 - ALLAH NIHYET MEM TUNGWATU NYA

⁴⁷ Awak dino kan tut niceu ningon kanti noro pwoi ningon ba, bit ningon kanti cem bi mitug ndei hukum dino ibui noni kinei-kinau.

LUKAS 12:47 ပူးပေါင်းရင်းမြစ်များ

YEHEZKIEL 9:6

Ma jiyai nimai bak pinai nya kin sop nya kin ndigpoi nya kin pilei nya kin andig-ndau nya kin munggwom nya yahagom. Noro tut yo di bindo pima jo ingwak ne ma jingget yo dima au. Ma jikinyon eisi ei mpia di Ditde Ig joti dini.” Leu api ikinyon ei ide midyai dimati bigyai nimai bak nibou minu Israel di ingat rin ei tuhan De Ig dima bibie sindam.

LUKAS 12:41

Lene Petrus hig ser Yesus “Andigpoi e, nihyet nibiti nindati dima mem nyeni e, he mem tungwatu nya yahagom e?”

LUKAS 12:46

Gima rino niceu mittau hak kep noni hanyen mem nijam di ningon ya mem nikweisi bi kin njap dino noni kan tut bi. Leu api niceu mikos noni kukiau leu api noni mitug ndei hukum bit yo di ibit Allah nihyet bi nya.

YOHANES 12:48

No di ba ningha bak Dani ba, ningon tunggwei dihyet bon mun di pai kep noni tu. Nihyet di tibim leu duhui him mipai kep noni mem Njap Ningwig Honti.

YOHANES 19:11

Yesus buhup “Gino Allah yai nisindemti dima bina bi lene bit bon angget Da kan bi. Gima rino no di kes Da ei andati bon sisar nindig bibor dor njiriek ade sisar.”

YOHANES 9:41

Yesus buhup “Gino jiyai tu ne jingon mui bi. Noro gi jipai sut jenti bipia jiyai da lene gima ndo bipia jingon mui yo.”

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

YAKOBUS 4:17

Gima rino no di kan tut midyai di kei bibor di suar noni yai kep nya lo, yai kep bi lene ningon mui ba, sisar ntun him.