LUKAS 12:42 - ALLAH NIHYET MEM TUNGWATU NYA

⁴² Yesus buhup “Tou rinok awak di ningon gom ba, ningon ki cem di niceu ndo noni nok nibou mem awak nindigsi nya leu binhyepo kwas njita tut yok igbit nok jam di noni preu ei su i?

LUKAS 12:42 ပူးပေါင်းရင်းမြစ်များ

NEHEI LEUSI 36:4

Gima rino tukan di igyai kep midyai yuug ba,

NIPINGOK NINGONTI 12:8

Tungwatu nya mikon bihi ninyeng bit leu nide nintin kimboti. Noro yoni ingwes om kep bihi bit leu ide ningon mbumti.

NIPINGOK NINGONTI 15:23

Nihyet di tibim ei nuhui him cut igbit nicunti mibindei ba, ingon llei bibor.

NIPINGOK NINGONTI 27:18

Tungwa tou rino nyohou biei ninjem mipuk ningat biyem. Awak tou rino nyohou niceu lene ningon nggei-hi-nggei mpe dino niceu nggei sut noni i.

NIPINGOK NINGONTI 31:15

Noni kiju mem ha yausi bingei njita mem nide ig bei nsi nya leu api ndo midyai nya bak nide awak nya.

YESAYA 50:4

tuhan Di Ninyeng Jei Bibor ngginau da lene bindei ba, diji ngkiem leu binhyepo dihyet mibiwin kep yo di inghuisi wei nya ingonti. Noni bindei ba, dingon bisau sut Nide nipingok dati nya bikwop njap bigyoti.

YEREMIA 23:4

Midita nibou di inyeng tak kep yok binyohou yok. Mpe dima lene ittin ba, idigit cem bu bi. Hi di mipror leu yok cem bi. Da di tuhan disimbot dat tu.”

YEHEZKIEL 34:3

Jidut domba nido ngei lene jinap ninta nok sinsun mem jenti lene jibui gi hi di nimmau ndok nok mikwau cem noro jehek tut domba dima bi sren.

MATIUS 13:52

Lene Yesus pai “Bikwop guru Puig Yahudi nicukti di coi bit Allah Ninyeng Tak Kepti rinok nibou ig bei gom di cat mun di nijep kin mun di nitimiei leu nide ig gudanti.”

MATIUS 20:8

Mpia jinjui su lene miai ceu dima cuk nide mindor bipai ‘Ahig yo di igyai midyai yahagom kwei lene ma ayai imuhup biyok. Ba, ayai bak yo di ikinyon eisi mem mmunti bibie sindam ug bipek yo di ikinyon eisi mem njap bigyoti ei ningwigsi.’

LUKAS 12:43

Gino noni pwoi niceu ningon kikau ug bipek njap di niceu nikwei hanyenti lene ningon nggei-hi-nggei.

LUKAS 7:13

Tirigi Yesus ngat kibom dima lene ngondut noni bipai bak “Sindig e, ma ayai nggwei kibor au!”

LUKAS 7:19

bisok nihyet ei yok dip bak Tuhan Yesus bihig ser Noni “Nani ne No di Allah preu ei mem nye tut nikweisi pima rin e? He suar nimem kep ser hiter bu e?”

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

TIMOTIUS GI NIGOM 3:15

leu binhyepo gino dibinyen lene srat bokti dini mipingok angonti tut notou nye di mbusyamei igyai kep ide midyai nya. Nyeni ne Allah Di Niyaijo Nide bat nya ri. Allah de mbusyamei rinok cou di sindem tut nihyet di nijit ba, nyohou nihyet dima cem.

TIMOTIUS GI NIGOM 5:17

Tut nibou di ibie tut ide mbusyamei mungkun kei lene ma jibirop imuhup hanyen biyok mbican bram yam. Gini bon ninyeng mem yo di ita ibou ei nitri nihyetti kin ningginau tungwatu nyati.

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

TITUS 1:7

Suar nibou mbusyamei ningon gom lewo ninyeng tak kep Allah de midyai nya. Ma ningon jei cem gga-gga wai cem dut mun di pu noni cem bui tungwatu nya cem ningon pri kep mitiei nindig bibor cem au.

IBRANI 13:17

Ma jibit jide nibou nya ide nicuk jeti nya ba, jibou cut biyok. Yoni inyohou jingonti bikwop mmun-njap lewo suar ibuhup hanyen bak Allah drek dip igyai munti nya. Gino jibit ighyet lene yoni miba ingon di llei biyai midyai nya. Gi bi lene iba ingon di buhun binyohou jingonti apino gima bindei bijiyai mun di kei nya hi bi.

IBRANI 13:7

Ma jiyok ngon kep jide nibou timiei nya di itri tut Allah nihyet bije. Ma jikan-kan nyen tut igyai munti nya kin imaisi bijiyai bram ide niba ningon com Allahti.

IBRANI 3:5

Musa ne awak di ningon gom di yai midyai ei Allah de ig ri. Nide midyai nya ndo tut mun di mitibim leu Allah nuhui him ei nidipti bu.

PETRUS GI NIGOM 4:10

Ma bikwop tungwagom-gom nyohou nisindemti di ter leu yam di Allah kwas tut je leu binhyepo jiba nisindemti dima yok bahati tut yam.