LUKAS 12:32 - ALLAH NIHYET MEM TUNGWATU NYA

³² “Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 12:32 ပူးပေါင်းရင်းမြစ်များ

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

MATIUS 14:27

Noro Yesus mbrua kep yok “Dwai! Dani ne Yesus ri. Ma jittin au!”

MATIUS 20:16

Lene Yesus binut bu “Nok gima cem tut yo di yoom yonti bigya nohon keti mikwei ya bibie lene yo di igya bibie miyoom yo leu bingkwei hanyen ug ei nohon keti bu.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

LUKAS 10:21

Mpe dima lene Yesus ningon llei bibor tug hon Allah Ninnei bipai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya igyai him noro ambot kep tut hagom bak yo di ingon mbum nya. Arig e, ajoi sut nipek kepti dima.

YOHANES 18:36

Yesus buhup “Ditde ninyeng tak kepti jo ei dihyeisi dini bi. Gino jo ei dihyeisi dini ne Ditde limwa nya misindui sut Da bak mben Yahudi ide nibou nya bikat Da bi. Ningat ne Ditde ninyeng tak kepti jo ei dihyeisi dini bi.”

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 20:29

Dikan tut bipia tirigi dikes je ei bidimbut leu je lene nsien di niten-pos nya mikwei srig jikieti bibon yonti tereu nok domba nya ba, yaham domba di jinyohou yok dima nok ide mun di igyem ug ri.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

TESALONIKA GI NICAN 1:11

Gima rino ningat nadi tindei je bikwop njap-njap. Nahara ide Allah leu binhyepo Noni mibindei ba, jidem mem gima jiyaijo bit leu ningon kanti lewo Noni hig je mem gima. Handei kon ba, Noni sindem tut je ba, jiyai mun di kei bibor di jijoi sut nya lene bindei bijiyai mun tug hon jingon di jo kep Noni biput ug e ba, hagom put kei cem.

TESALONIKA GI NICAN 1:5

Mun dini yok hagom nok bindo tut gima Allah ba ningon sren bimbus tungwatu nya ingonti. Jiyai ninghuisi wei mem Noni ba, gini mibindei bijidem mem gima jicoi bit Allah Ninyeng Tak Kepti.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

PETRUS GI NICAN 1:11

Apino jidem mem gima jicoi bit ide Tuhan Yesus Kristus di teu nye leu sisar biyai niyaijo nijep binye Ninyeng Tak Kepti di bit bon ug hon nohonti kan bi.

NINGAT-HI-NGAT NYA 1:6

bibindei ba, inok imam nya di inggre kin ninyeng tak kepti gom bit Noni bigyai midyai mem Nide Allah kin Nicig cem. Yesus Kristus Nongkom kei-kau-kei ba, sindem bibor cem kikau buug hon nohonti bi! Igbit ri.

NINGAT-HI-NGAT NYA 22:5

Mmun minggai kep yok bu bi ba, isuar mini ninjeng kin mpia njap mem gima piga digai yok bi lewo Allah Nonti piga digai yok. Leu api yoni inok nibou ndig di inyeng tak kep ide limwa nya kikau buug hon nohonti bi.