LUKAS 12:31 - ALLAH NIHYET MEM TUNGWATU NYA

³¹ Noro ma jibrim jingkek mem Allah ninyeng tak kep jeti apino Noni miyai mun di nindigsi dima hagom bije.”

LUKAS 12:31 ပူးပေါင်းရင်းမြစ်များ

MAZMUR 34:9

Ma abingon ei dip leu binhyepo angat bipia tuhan singat tut nye nindig bibor. Yo di igwam coi Noni yahagom ingon nggei-hi-nggei.

MAZMUR 37:19

Yo di ingon sren nya mibong kei migwam kei mem nijam di kinei bibor. Gino nijam ninggum hwen yok ne yo di ingon singat nya minggum bi.

MAZMUR 37:25

Ei dipileisi kikau kwei bipek diwer andig-ndausi dini ne dingat lo, tuhan kes no di ningon sren ei bibindei ba, nimunggwom bat nya inggunggia huk tungwatu nya bihi bou diyai him bi sren.

MAZMUR 37:3

Ma jiba jingon com tuhan cem jinda jo kep jide midyai di kei nya cem. Ma jibong ei minu dima ba, jiba jingon di gom biyai mun nyeng hagom.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

YESAYA 33:16

Tug hon nisinati dima lene mijingwes ngun leu api jingon jo nyahan noyam kin yo di igwam coi tentara nibousi di sindem bibor. Njita kin ndia ngei minok gi dem mem je.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

LUKAS 10:42

noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

LUKAS 12:30

Lewo yo di igwam Yesus ninghim ingon bos-bos nyen tut mun dima yok hagom bijo ninno. Jicig ei gwamti kan tut bipia jisuar mun dima yok hagom.

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”