LUKAS 12:20 - ALLAH NIHYET MEM TUNGWATU NYA

²⁰ Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’

LUKAS 12:20 ပူးပေါင်းရင်းမြစ်များ

ESTER 5:11

Leu api Haman nggap leu nonti biyok binggei sut nonti tut gi nyeng tut ndigban nya cem tut gi nipmot bat nya imang cem tut gi yai ninyeng di jei dor njiriek nibou di inyeng jei nindigsi nya cem.

AYUB 27:8

Mpe dino Allah yai no di bon mun di kinei hacican ninnei leu lene miningwes ngun leu Noni ninda nsi yo e?

MAZMUR 39:6

Ayo! Akos tut bipia ditde njap cun bibor. Ditde njap nijeisi bon ninyeng ei ayai him bi. Ningat ne tungwatu nya idem kep ninnei di tau nuhwap nsi he.

MAZMUR 49:10

Lewo niyaijo nijep di jo kikau kin ningwes ngun leu nimai eisi nibok kak bibor.

MAZMUR 73:19

Imai kros biwer nimbiam.

MAZMUR 78:30

Noro tirigi igyem kep mikwau dima bibindei cut ingon priti bigyo,

NIPINGOK NINGONTI 10:2

Ndigban di aba ningon canti bitug ndei leu api abiyai anyeng di jei sut ne mporo abiyai ningat di kei bi. Noro ningon srenti mibindei ba, angwes ngun drek dip.

NIPINGOK NINGONTI 11:4

Mpe dino aum nimai lene mun di anyeng tut nya mibon ninyeng mem na bi sren. Gino aba angon di gom biyai mun ne angwes ngun drek dip.

NIPINGOK NINGONTI 13:7

Bihi ibon yonti tereu nok yo di inyeng noro ningat ne yuhui mbum. Bihi ibon yonti tereu nok yo di yuhui mbum noro ningat ne inyeng bibor.

NIPINGOK NINGONTI 27:1

Ma arai pri tut mun di mipek kep mem na mem njap di hyep au. Lewo akan tut mun di micut igkep na hak mem njap di hyep bi.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

YESAYA 56:12

Nibou ngwak sibui sut pes cig dima yok ipai ‘Jikwei bidut ba anggur ngei bindei nye kei ug e! Mun di igyai mem njap di hyep mikei dor njiriek mun di igyai mem njap di ammani!’ ”

YEREMIA 17:11

No di ba ningon di sren bi bitug ndei ndigban noyam kin ha di bong kep ha hiter nidinggwei. Nide njap ug ei nahacanti he apino nide ndigban di nyeng tut nya sar ningwig leu no. Mpe di nide njap ngwig hon lene mijo nibreisi bipia ningon mbum bibor.

AMOS 6:13

Jirai pri tut bipia minu ndig Lodebar cut bije. Jinsi bbet tut gi jipai “Nisindem mem gima nikon pran bit minu ndig Karnaim.”

NAHUM 1:10

Noni mindig na noyam kin gandum nintam di mui kin war ndia nggwen di pai yam-ngot yam nyen cem.

LUKAS 11:40

Jingon mbum bibor! Allah di bon bei nisai dima bon bei ninsi cem bi e?

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

TIMOTIUS GI NIGOM 6:7

Lewo ipwoi mun nyeng hi kwei ei dihyeisi dini bi ba, bit bon ipwoi mun nyeng hi biyuug sut leu dihyeisi dini cem kan bi.

YAKOBUS 4:14

Mei! Jikan tut mun di mipek kep mem je hak ei njap di hyep bi! Jiyaisi dem kep nok hum bre di ingat jei bi lene pren hanyen.