LUKAS 12:19 - ALLAH NIHYET MEM TUNGWATU NYA

¹⁹ Leu api misipai bisanti ‘Singon nggei-hi-nggei! Sima mun nyeng hagom tu. Sinyeng tut njita bijo kikau ba, ngwig leu sa bi. Ma sibong kei sigwam kei! Siyem njita di kei bisidut ba anggur ngei cem lene ma siyai mun bit leu singon kanti hak ug!’

LUKAS 12:19 ပူးပေါင်းရင်းမြစ်များ

AYUB 14:1

Nyeni inghuisi mbriong ba, isindem bi mpe di po isrek kikau kwei bipek ammani kep. Mun di buhun bibor tak kep nye mem nijam di igyaijo cun bibor.

MAZMUR 49:18

Lewo bit bon no dima pwoi nide mitiei buug sut bi tirigi noni mai lene biang nide mun di nyeng tut nya ug ei jui nsi kan bi.

MAZMUR 62:10

Tungwatu nya idem kep ninnei di ihi mbigom ngat he. Yo di inyeng jei kin ide limwa nya yahagom ibon inyeng bi. Gino ibakilo inyeng jeisi nibuhunti ne ingat lo, nggan-nggau dor njiriek ninnei di ihi mbigom ngat he nibuhunti.

NIPINGOK NINGONTI 10:2

Ndigban di aba ningon canti bitug ndei leu api abiyai anyeng di jei sut ne mporo abiyai ningat di kei bi. Noro ningon srenti mibindei ba, angwes ngun drek dip.

NIPINGOK NINGONTI 14:24

Tungwatu nya inggei sut yo di ingon ki tut ide ningon kiti noro ikan bidem tut yo di ingon mbum nya tug hon ide ningon mbumti.

NIPINGOK NINGONTI 18:11

Noro yo di inyeng ikan huk bipia mun di inyeng tut dima dem kep nok ngug tig di bikrop ttai yok bikkin ser ide siceu nya.

NIPINGOK NINGONTI 23:5

Lewo bon mun di anyeng tut dima hagom ngwig kros leu na dem kep nok mun di ninyehei ntun him ba, nok hacam krubri di mba ug ei mpia-bbed him bihigom cem.

NIPINGOK NINGONTI 27:1

Ma arai pri tut mun di mipek kep mem na mem njap di hyep au. Lewo akan tut mun di micut igkep na hak mem njap di hyep bi.

NIBA NINGON SRIP HUKTI 11:9

Na di pinjoi pilei yo e, ma angat angwes ei nijam di apileiti! Ma ayai nillei mem nijam di apileiti. Ma abit ade ningon joi sutti nya kin mun di kei di ayai ngat nya hagom. Noro ma ayok ngon kep bipia Allah di ningat rin ei gwamti mimbus angonti drek dip ade ningon joi sutti kin ayai munti nya hagom.

NIBA NINGON SRIP HUKTI 2:24

Gi hi di kei mem tungwatu nya dor njiriek mun nindigsi rino njita di igyem kin ndia ngei di idut kin gi ingat ingwes ei ningat di itug ndei tug hon ide midyai di igyai nya. Ba, dingon huk niti bipia gima cem mun di Allah yai binye ri.

YESAYA 22:13

Noro jigiyai gima bi. Mpe dima lene jingon llei-lau ba, jibon pesta bit yam. Jibui sapi kin domba nok mikwau bijiyem bijidut ba anggur ningei cem. Jibijem biyam “Jikwei bigyem njita bidut ndia ngei cem lewo njap ne imai ug rin o!

YESAYA 5:11

Buhun bibor mem je! Jide midyai di jiyai kep rino jidut kep mun di pu je ba, gima hwen je bijibou ngwak sibui sut bijo kikau leu njap tekti dimo ug bipek mmun kep.

YESAYA 5:8

Buhun bibor mem je di jipek ig nya bijiyai miai di hiter nide leu binhyepo jibikum jide mun di jinyeng tut nya bu! Jei bi ne minu dima bon nibresti mem nindigsi nya bi. Leu ba, je dima he mijibong ser.

YESAYA 56:12

Nibou ngwak sibui sut pes cig dima yok ipai ‘Jikwei bidut ba anggur ngei bindei nye kei ug e! Mun di igyai mem njap di hyep mikei dor njiriek mun di igyai mem njap di ammani!’ ”

HOSEA 12:8

tuhan pai bak mben Israel “Jidat mben Kanaanti lewo jingon sren bi. Nitri-nipek mun cig nya ingon ya mem gi iba ide nai di igbit bi biris yo di ipek mun leu yok nya.

AMOS 6:13

Jirai pri tut bipia minu ndig Lodebar cut bije. Jinsi bbet tut gi jipai “Nisindem mem gima nikon pran bit minu ndig Karnaim.”

HABAKUK 1:16

Leu api ikuk yok bak ide jala ba, ibon midut ei nimbar hum dokti kep lewo ide jala bindei ba, ibong kei igwam kei bigyem njita nyeng hagom bidem cem.

LUKAS 12:18

Leu api noni kos tut ningon kanti ‘Silet side ig gudan nya hagom lene singot ig gudan di nindig krop hiter bu leu binhyepo sikon side njita kin ndigban hagom eisi.’

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

LUKAS 21:34

“Ma jingon sok kep jenti. Leu gino jibou sibui ei nibon pestati kin nidut mun di pu jeti kin niyai munti nya di mipror yon lene njap ningwig honti mittau kros kep je,

KORINTUS GI NIGOM 15:32

Gino didahat kukwei “Mindhe di niten-pos nya” ei minu ndig Efesus dini tereu nok no di yok ningon mem nikiju hanyen leu nimai eisi bi ne dibipek mindei i? Gino Allah win nimai nya hanyen leu imai eisi bi ne nnaba injei bit tungwatu di ipai “Jikwei ba, igyem njita bidut ndia ngei cem lewo imai mem njap di hyep ug ri.”

FILIPI 3:19

Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

TIMOTIUS GI NIGOM 5:6

Sop kibom di ba noho rok mun di ngat ningwes eisi lene mbro nok gino niyaijo yo lo, mai su.

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

2 TIMOTIUS GI NICAN 3:4

ibakilak yam cem ibon mun kindi-kindok cem ingon jei bibor cem ikes Allah ei leu ba, yuhuk bram mun di ingat ingwes eisi nya cem.

YAKOBUS 5:5

Jibong kei jigwam kei ei dihyeisi dini ba, jiba joho rok mun di jingat jingwes eisi. Gima tereu nok jibindei mmau jenti bijimmau ndok ei mem njap dino ibui je dem kep nok ibui mikwau.

PETRUS GI NIGOM 4:3

Nipou ne jiyai munti nya dem kep nok yo di ingon tindur nya. Mpe dima lene jikrar kep yam cem jidut mun di pu je kikau cem jikwek njita cem jibihim cem jibon pesta kep jide kwar di jikuk je bak di bindei ba, tungwatu nya igyai ttin cem.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’

SAMUEL GI NIGOM 30:16

Nok leu lene noni buwak yok bindo mpia di yo di isibut dima ibongti. Mpe dima lene tentara di isibut dima idis yam bigwam sinsiou bidem mpia dima ba, igyem njita bidut pes cem igyem pesta nindig bibor bibiyai nillei drek dip. Lewo ndigban di ipos di ittei kwei leu mben Filistin kin Yehuda nya nindig bibor.